ପଣସ ଖାଇବାକୁ ଆସି ଜୀବନ ହାରିଲା ଭାଲୁ

ରେଢ଼ାଖୋଲ(ରମାକାନ୍ତ ମହାନନ୍ଦ): ପଣସ ଖାଇବାକୁ ଆସି ୧୧ କେଭି ବିଦ୍ୟୁତ୍ ତାର ସଂସ୍ପର୍ଶରେ ଆସିବାରୁ ଏକ ଭାଲୁର ମୃତ୍ୟୁ ଘଟିଛି। ଘଟଣା ସମ୍ୱଲପୁର ଜିଲ୍ଲା ରେଢ଼ାଖୋଲ ବନଖଣ୍ଡ ନାକଟିଦେଉଳ ରେଞ୍ଜର ବିନ୍ଦୁପୁରଗାଁରେ ଘଟିଛି । ମୃତ ଭାଲୁର ବୟସ ୭ ବର୍ଷ ବୋଲି ଜଣାପଡ଼ିଛି।

ଗତକାଲି ବିଳମ୍ୱିତ ରାତିରେ ଭାଲୁଟି ବିନ୍ଦୁପୁର ଗାଁ ପାଖରେ ଥିବା ଏକ ପଣସ ଗଛକୁ  ଖାଇବାକୁ ଆସିଥିଲା। ହେଲେ ରାତିରେ ପବନ ହେବାରୁ ୧୧ କେଭି ବିଦ୍ୟୁତ୍‌ ତାର ନଇଁ ପଡ଼ି ତଳେ ଝୁଲି ରହିଥିଲା। ଭାଲୁଟି ବିଦ୍ୟୁତ୍ ତାରଟିକୁ ପାଟିରେ ପୂରାଇ ଦେବାରୁ ଘଟଣାସ୍ଥଳରେ ତାର ମୃତ୍ୟୁ ଘଟିଥିବା ବନ ବିଭାଗ କହିଛି।  ବନ ବିଭାଗ ଭାଲୁର ମୃତଦେହ ଉଦ୍ଧାର କରି ଘଟଣାର ତଦନ୍ତ ଆରମ୍ଭ କରିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।