ଭଦ୍ରକ(ଓଡ଼ଶା ରିପୋର୍ଟର): ପୁରୁଣା ଚେର ପୁଣି ଲମ୍ବିବାକୁ ଲାଗିଲାଣି । ଏବେ ଖୋଲମଖୁଲା ଚାଲାଣ ହେଉଛି ଚୋରା କୋଇଲା ଏପଟେ ପୁଲିସର ଇଙ୍ଗିତରେ ପୁଣି କୋଇଲା ବେପାର ଆରମ୍ଭ ହୋଇଛି ବୋଲି ଚର୍ଚ୍ଚା ଚାଲିଥିବା ବେଳେ ଏହି ମାଫିଆ ମାନେ ଦିନବେଳା କୋଇଲା ଚାଲାଣ କରୁଥିବା ଖବର ପାଇ ଚୋରା କୋଇଲା ଚାଲାଣ ହେଉଥିବା ଗାଡିକୁ ଜବତ କରିଛି ଏସଟିଏଫ ।
ଭଦ୍ରକ ଧୂଷୁରୀ ଥାନା ପୁଲିସ ଏହି ଟ୍ରକକୁ ଥାନାରେ ଅଟକ ରଖିଛି । ଦଶ ଚକିଆ ଟ୍ରକରେ ଚୋରା କୋଇଲା ବୋଝେଇ ହୋଇ ତିହିଡି ଅଞ୍ଚଳରୁ ଧାମନଗର ଓ ଯାଜପୁରକୁ ଚାଲାଣ ହେଉଥିବା ବେଳେ ଧରାପଡିଛି । ଅସୁରାଳି ବଜାର ପାଖରେ ଛିଡା ହୋଇଥିବା ବେଳେ ପୁଲିସ ଏହି ଗାଡ଼ିରେ ଥିବା ପ୍ରାୟ ୬୦୦ଶହ ବସ୍ତା କୋଇଲା ବ୍ୟାଗ ଜବତ କରିଛି।
ଯାହାର ଓଜନ ୩୦ଟନ ହେବ । ଗାଡିର ଡ୍ରାଇଭର ଓ ହେଲପର ଉଭୟଙ୍କୁ ଅଟକ ରଖିଥିବା ବେଳେ ଚୋରା କୋଇଲା ଚାଲାଣର ମୁଖ୍ୟ ଅଭିଯୁକ୍ତ ଭଗବାନ ଦାସକୁ ମଧ୍ୟ ଅଟକ ରଖିଥିବା ସୂଚନା ମିଳିଛି । ଅଟକ ରହିଥିବା ଡ୍ରାଇଭର ସନୋଜ ସାହା ଓ ହେଲପର ମୁକେଶ ଯାଦବ ବିହାର ରାଜ୍ୟର ହୋଇଥିବା ବେଳେ ଚୋରା କୋଇଲା ଚାଲାଣ ର ମୁଖ୍ୟ ତିହିଡି ଥାନା ହାଟୁଆରି ଗ୍ରାମର ଭଗବାନ ଦାସ ଓରଫ ବାୟା କୁ ମଧ୍ୟ ପଚରାଉଚୁରା କରୁଛି ଧୂସୁରି ପୁଲିସ । ସୂଚନା ଅନୁଯାୟୀ ଭଗବାନ ଦାସ ଓରଫ ବାୟା ନାମରେ ଭଦ୍ରକ ଜିଲ୍ଲା ସମେତ , କେନ୍ଦ୍ରାପଡା, ଯାଜପୁର ଆଦି ଥାନାରେ ବହୁ ମାମଲା ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
