ଭଦ୍ରକ(ଓଡ଼ିଶା ରିପୋର୍ଟର): ଏକ ବିବାହ ଲଗ୍ନ ସମୟରେ ପୂର୍ବ ଶତୃତାକୁ କେନ୍ଦ୍ର କରି ତିନି ଭାଇଙ୍କ ସମେତ ଜଣେ ମହିଳାଙ୍କୁ ମାରଣାନ୍ତକ ଆକ୍ରମଣ ଅଭିଯୋଗ ହୋଇଛି । ୪ଜଣ ବର୍ତ୍ତମାନ ଭଦ୍ରକ ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଏନେଇ ଧୁଷୁରୀ ଥାନାରେ ଅଭିଯୋଗ ପରେ ଧୁଷୁରୀ ପୁଲିସ ଘଟଣାର ତଦନ୍ତ ଆରମ୍ଭ କରିଛି । ଧୁଷୁରୀ ଥାନା ଅଧିନ ନିଧିବିନ୍ଧା ଗାଁରେ ଲକ୍ଷ୍ମୀଧିର ବାରିକଙ୍କର ପରିବାର ପକ୍ଷରୁ ଏକ ବିବାହ ଲଗ୍ନ ପୁଲିସ କାର୍ଯ୍ୟ ଚାଲୁଥିଲା ।
ଏହି ପୁଲିସ ସମୟରେ କୋଭିଡ ଗାଇଡ ଲାଇନ ଅନୁଯାୟୀ ୫୦ ଜଣରୁ ଅଧିକ ଲୋକ ଗହଳି ହେଉଥିବାରୁ ମଙ୍ଗରାଜ ସାହୁଙ୍କ ପରିବାର ଲୋକ ଓ ସ୍ଥାନୀୟ ଲୋକେ ବିରୋଧ କରିଥିଲେ । ଏହାକୁ ନେଇ ଯୁକ୍ତିତର୍କ ମଧ୍ୟ ହୋଇଥିଲା ।
ଏହାକୁ ବିରୋଧ କରିବାରୁ କିଛି ଲୋକମାନେ ମଙ୍ଗରାଜଙ୍କ ପରିବାର ଲୋକଙ୍କ ଉପରକୁ ଆକ୍ରମଣ କରିବା ସହ ଜୀବନରୁ ମାରିଦେବାକୁ ଉଦ୍ୟମ କରିଥିଲେ । ସେମାନଙ୍କୁ ତରନ୍ତ ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ମଙ୍ଗରାଜ ସାହୁ, ତାଙ୍କ ଦୁଇ ଭାଇ ଓ ଜଣେ ମହିଳା ଏଥିରେ ଗୁରୁତର ହୋଇଛନ୍ତି । ଧୁଷୁରୀ ପୁଲିସ ୮ଜଣଙ୍କ ନାଁରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
