tension
ବାସୁଦେବପୁର(କିରଟି ଦାସ) : ଆଜି ସକାଳୁ ଆରମ୍ଭ ହୋଇଛି ପୌର ନିର୍ବାଚନ ପାଇଁ ମତଦାନ । ହେଲେ ମତଦାନ ଆରମ୍ଭ ହେଉ ହେଉ ଭଦ୍ରକ ଜିଲ୍ଲା ବାସୁଦେବପୁର ୧୯ ନମ୍ବର ୱାର୍ଡର ୨୯ ନଂ ବୁଥ୍ରେ ଦେଖାଦେଲାଣି ଉତ୍ତେଜନା। ୧୦ଟି ପରିବାରର ପ୍ରାୟ ୩୫ ଜଣଙ୍କ ନାଁ ଭୋଟର ତାଲିକାରେ ନ ଥିବାରୁ ବନ୍ଦ ରହିଛି ମତଦାନ । ବାଦ୍ ପଡ଼ିଥିବା ଭୋଟରଙ୍କ ନାଁ ତାଲିକାଭୁକ୍ତ କରିବାକୁ ଦାବି କରି ମତଦାନ ବନ୍ଦ କଲେ ୱାର୍ଡବାସୀ । ଘଟଣାସ୍ଥଳରେ ପୁଲିସ୍ ଓ ପ୍ରଶାସନିକ ଅଧିକାରୀ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରୁଥିଲେ ମଧ୍ୟ ସେମାନେ ନିଜ ଜିଦ୍ରେ ଅଟଳ ଅଛନ୍ତି।
[caption id="attachment_722433" align="aligncenter" width="650"]
ପୁଲିସ୍ ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରୁଛି।[/caption]
ଏନେଇ ଉତ୍ତ୍ୟକ୍ତ ଲୋକେ କହିଛନ୍ତି, ଆମର ଭୋଟ ଦେବାର ଅଧିକାର ଅଛି। କେଉଁଠାରେ ଭୋଟ ଦେବୁ କୁହ ଆମେ ସେଠାରେ ଭୋଟ ଦେବୁ । ନଚେତ ସେତେ ପର୍ଯ୍ୟନ୍ତ ଭୋଟଦାନ ବନ୍ଦ ରହିବ । ଏହି ଘଟଣାର ସମାଧାନ କରିବାକୁ ପ୍ରଶାସନ ତରଫରୁ କ’ଣ ପଦକ୍ଷେପ ନିଆଯାଉଛି, ଲୋକେ ଭୋଟ ଦେଇପାରୁଛନ୍ତି ନା ବନ୍ଦ ରହୁଛି ମତଦାନ ତାହା ଉପରେ ସମସ୍ତଙ୍କ ଆଖି।
/odisha-reporter/media/agency_attachments/2025/09/10/2025-09-10t082211800z-640x480-or-sukant-rout-2025-09-10-13-52-11.png)
Follow Us/odisha-reporter/media/post_attachments/uploads/2022/03/tension.jpg)