ବ୍ରହ୍ମଗିରି : ଆଇଆଇସିଙ୍କୁ ଢ଼େଲାମାଡ ଘଟଣାରେ ୧୦ଗିରଫ

ବ୍ରହ୍ମଗିରି : ବ୍ରହ୍ମଗିରି ଗଡ଼ରୋଡ଼ଙ୍ଗ ଗାଁରେ ପୋଲିସ୍ ଓ ମହିଳାଙ୍କ ମଧ୍ୟରେ ସଂଘର୍ଷ ଘଟଣାରେ ପୋଲିସ୍ ୧୦ ଜଣଙ୍କୁ ଗିରଫ କରିଛି । ଗିରଫଦାରୀ ଭୟରେ ଗାଁ ଶୂନଶାନ ହୋଇଯାଇଛି । ଗଡ଼ରୋଡ଼ଙ୍ଗ ମୌଜାରେ ଥିବା ବିବାଦୀୟ ଜଂଗଲକୁ ମହିଳାମାନେ କାଜୁ ତୋଳିବାକୁ ଯାଉଥିବା ବେଳେ ଅଘଟଣ ଆଶଙ୍କାରେ ବ୍ରହ୍ମଗିରି ପୋଲିସ ସେଠାକୁ ଯାଇଥିଲେ । ତେବେ ଏହି ସମୟରେ ପୋଲିସଙ୍କୁ ମହିଳାଙ୍କ ବିରୋଧର ସମ୍ମୁଖୀନ ହେବାକୁ ପଡ଼ିଥିଲା। ଏପରିକି କିଛି ମହିଳା ପୋଲିସ୍ ଉପରକୁ ଇଟା ପଥର ମାଡ଼ କରିବାରୁ ଏଥିରେ ବ୍ରହ୍ମଗିରି ଆଇଆଇସି ସୁବାସ ଚନ୍ଦ୍ର ପଣ୍ଡା ଆହତ ହୋଇଥିଲେ। ପୋଲିସ୍ ସହ ଧସ୍ତାଧସ୍ତିରେ ୬ ଜଣ ମହିଳା ମଧ୍ୟ ଆହତ ହୋଇଥିଲେ।