ଭୁବନ ଏନ୍‌ଏସି ଶଟ୍‌ଡାଉନ୍‌

କାମାକ୍ଷାନଗର(ବିଦ୍ୟାଧର ବରାଳ):ଢେଙ୍କାନାଳ ଜିଲ୍ଲା ଭୁବନ NAC ୨ ଦିନ ଶଟଡାଉନ୍ ରହିବ। ଏହି କଟକଣା ଆଜିଠୁ ଲାଗୁ ହୋଇଥିବା ନେଇ ଢେଙ୍କାନାଳ ଜିଲ୍ଲାପାଳ ଘୋଷଣା କରିଛନ୍ତି।

ଗତ ୨୦ ତାରିଖରେ ଭୁବନ ଅଞ୍ଚଳରେ ୩ ଜଣ କରୋନା ପଜିଟିଭ୍ ଚିହ୍ନଟ ହୋଇଥିଲେ। ସେମାନଙ୍କ ମଧ୍ୟରୁ ୨ ଜଣ ପଜିଟିଭ୍ ବିଭିନ୍ନ ଦୋକାନରେ କିଣାକିଣି କରିବା ସହ ବ୍ୟାଙ୍କ୍ ଓ ପେଟ୍ରୋଲ ପମ୍ପ ଯାଇଥିଲେ। ଯାହଫଳରେ ପ୍ରଶାସନ ୭ଟି ଦୋକାନ, ଗୋଟିଏ ବ୍ୟାଙ୍କ୍ ଓ ପେଟ୍ରୋଲ ପମ୍ପକୁ ସିଲ୍ କରିଛି। ସଂକ୍ରମଣକୁ ଦୃଷ୍ଟିରେ ରଖି ଢେ଼ଙ୍କାନାଳ ଜିଲ୍ଲାପାଳ ଏହି ଶଟ୍‌ଡାଉନ୍‌ ଘୋଷଣା କରିଛନ୍ତି।

ଆଜି ଓ ଆସନ୍ତାକାଲିକୁ ଜିଲ୍ଲାପାଳ ଶଟଡାଉନ୍‌ ଘୋଷଣା କରିଥିବା ବେଳେ ଶନିବାର ଓ ରବିବାର ସପ୍ତାହାନ୍ତ ଶଟଡାଉନ୍‌ ରହିଛି। ତେଣୁ ଲଗାତାର ୪ ଦିନ ପାଇଁ ଭୁବନ NAC ରେ ଶଟଡାଉନ୍‌ କଟକଣା ବଳବତ୍ତର ରହିବ।

ସୂଚନାଯୋଗ୍ୟ, ଢେଙ୍କନାଳ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ୧୫୦ରେ ପହଞ୍ଚିଛି। ସେମାନଙ୍କ ମଧ୍ୟରୁ ୫୯ ସୁସ୍ଥ ହୋଇ ସାରିଲେଣି। ୯୧ ଜଣ ବିଭିନ୍ନ କୋଭିଡ୍ ହସ୍ପିଟାଲରେ ଚିକିତ୍ସିତ ହେଉଛନ୍ତି।