ଭୁବନେଶ୍ୱର: ସ୍ପିଡ ଡ୍ରାଇଭିଂ ଉପରେ କମିଶନରେଟ ପୋଲିସ ଲଗାମ ଲଗାଇବାକୁ ଯାଉଛି। ଏହି ବ୍ୟବସ୍ଥାକୁ କଡାକଡି କରିବାକୁ ସ୍ପିଡ ଇଣ୍ଟରସେପ୍ଟର ଆଣିବାକୁ ଯୋଜନା କରୁଛୁ। ଆରଟିଓଙ୍କ ଦ୍ୱାରା ବ୍ୟବହୃତ ସ୍ପିଡ ଇଣ୍ଟରସେପ୍ଟରକୁ ପୋଲିସ ଡିଜି ଓ ପୋଲିସ କମିଶନର ଅନୁଧ୍ୟାନ କରିଛନ୍ତି। ଶୀଘ୍ର ଦୁଇଟି ଇଣ୍ଟରସେପ୍ଟର ଅଣାଯିବ।
୨୭ ଲକ୍ଷ ଟଙ୍କାର ଏହି ଇଣ୍ଟରସେପ୍ଟର ଦ୍ୱାରା ପ୍ରାୟ ୧ କି.ମି. ଦୂରରୁ ଦୁଇ ଚକିଆ ଓ ଚାରି ଚକିଆ ଗାଡ଼ିର ଗତି ନିରୂପଣ କରିହେବ। ଏହାସହ ଗାଡ଼ିରେ ଥିବା କ୍ୟାମେରା ଓ ଇଲେଟ୍ରୋନିକ ବ୍ୟବସ୍ଥା ଦ୍ୱାରା ଦୃତ ବେଗରେ ଯାଉଥିବା ଗାଡ଼ି ସମ୍ପର୍କରେ ତଥ୍ୟ ପ୍ରିଣ୍ଟ ଆକାରରେ ବାହାର କରାଯାଇ ପାରିବ। ସେହି ଅନୁସାରେ ଗାଡ଼ି ଚାଳକଠାରୁ ଫାଇନ ସଂଗ୍ରହ କରାଯିବ। ରାଜ୍ୟ ଟ୍ରାନ୍ସପୋର୍ଟ ବିଭାଗ ଅଧୀନରେ ୩୨ଟି ଇଣ୍ଟରସେପ୍ଟର ଥିବା ବେଳେ କମିଶନରେଟ ପୋଲିସ ଦୁଇଟି ଇଣ୍ଟରସେପ୍ଟର ଆଣିବାକୁ ରଖିଛି। ଏହାଦ୍ୱାରା ଦୁର୍ଘଟଣାକୁ ବହୁ ସଂଖ୍ୟାରେ ନିୟନ୍ତ୍ରିତ କରାଯାଇ ପାରିବ ବୋଲି ଡିଜି କେ.ବି. ସିଂହ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
