OR 
ରାଜ୍ୟର ବିଭିନ୍ନ ପଂଚାୟତକୁ ହାଇସ୍ପିଡ୍ ଇଣ୍ଟରନେଟ୍ ସେବା ଯୋଗାଇ ଦେବା ପାଇଁ ଆଜି ଓପିଟିସିଏଲ୍ , ବିଏସଏନଏଲ ଓ ଓକାକ୍ ମଧ୍ୟରେ ତ୍ରିପାକ୍ଷିକ ଚୁକ୍ତିନାମା ସ୍ୱାକ୍ଷରିତ ହୋଇଛି । ଭାରତନେଟ୍ ପ୍ରକଳ୍ପ ଅନ୍ତର୍ଗତ ରାଜ୍ୟର ୧୩୨ଟି ବ୍ଲକ୍ ଅଧୀନରେ ଥିବା ୨୯୩୨ଟି ପଂଚାୟତକୁ ହାଇସ୍ପିଡ୍ ଇଂଟରନେଟ୍ ସେବା ଯୋଗାଇ ଦିଆଯିବ ବୋଲି ଜଣାପଡିଛି ।
ବିଏସଏନଏଲ୍ ମୁଖ୍ୟ ମହାପ୍ରବନ୍ଧକ ଆରଏନ ପଲାଇ ଏହି ପ୍ରକଳ୍ପ ସମ୍ପର୍କରେ ସୂଚନା ଦେଇ କହିଥିଲେ ଯେ, ୫୪୫କୋଟି ଟଙ୍କା ବିନିମୟରେ ୨୦ହଜାର କିମି ଲମ୍ବ ଅପ୍ଟିକାଲ ଫାଇବର କେବୁଲ୍ ମାଧ୍ୟମରେ ୧୩୨ଟି ବ୍ଲକର ୨୯୩୨ଟି ପଂଚାୟତକୁ ହାଇସ୍ପିଡ୍ ଇଣ୍ଟରନେଟ୍ ସେବା ଯୋଗାଇ ଦିଆଯିବ । ଯାହାଫଳରେ ଗ୍ରାମାଂଚଳରେ ବସବାସ କରୁଥିବା ଲୋକମାନେ ସହଜରେ ବ୍ୟାଙ୍କିଙ୍ଗ, କୃଷି, ଶିକ୍ଷା ଓ ସ୍ୱାସ୍ଥ୍ୟ କ୍ଷେତ୍ରରେ ଥିବା ଗୁରୁତ୍ୱପୂର୍ଣ୍ଣ ଡିଜିଟାଲ ସେବା ପାଇପାରିବେ ।
Also Read
ଭାରତନେଟ୍ - ଓଡ଼ିଶା ପ୍ରକଳ୍ପ ଦ୍ୱାରା ରାଜ୍ୟର ଦୁର୍ଗମ ଅଂଚଳରେ ଥିବା ପଂଚାୟତଗୁଡ଼ିକରେ ହାଇସ୍ପିଡ୍ ଇଂଟରନେଟ ସେବା ଉପଲବ୍ଧ ହେବ । ଓପିଟିସିଏଲ୍ ଓ ଓକାକ୍ ନିଜର ସଫଳ କାର୍ଯ୍ୟ ପାରିଦର୍ଶିତା ଦେଖାଇଛନ୍ତି ।
ଆଜି ଏହି ଏମଓୟୁ ସ୍ୱାକ୍ଷରବେଳେ ଆଇଟି ମନ୍ତ୍ରୀ ତୁଷାରକାନ୍ତି ବେହେରା, ବିଭାଗୀୟ ପ୍ରମୁଖ ସଚିବ ମନୋଜ କୁମାର ମିଶ୍ର, ଓପିଟିସିଏଲ୍ ନିର୍ଦ୍ଦେଶକ ବିବି ମେହେଟ୍ଟା , ଓକାକ୍ ସିଇଓ ମନୋଜ ପଟ୍ଟନାୟକ ଓ ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
