ମେ’ ୧୫ରୁ ସିଧାସଳଖ ଭୁବନେଶ୍ୱରରୁ ବିମାନ ଉଡ଼ିବ ଦୁବାଇ । ସପ୍ତାହରେ ୩ଦିନ ସୋମବାର, ବୁଧବାର ଓ ଶୁକ୍ରବାର ଏହି ବିମାନ ସେବା ଚାଲିବ ବୋଲି କହିଛନ୍ତି ଭୁବନେଶ୍ୱର ବିମାନ ବନ୍ଦର ନିର୍ଦ୍ଦେଶକ ପ୍ରସନ୍ନ ପ୍ରଧାନ । ଏହାଦ୍ୱାରା ଦୁବାଇ ଯାଉଥିବା ଯାତ୍ରୀ ବହୁ ମାତ୍ରାରେ ଉପକୃତ ହୋଇପାରିବେ।
କରୋନା ପୂର୍ବରୁ ଭୁବନେଶ୍ୱର ବିମାନବନ୍ଦରରୁ ଆନ୍ତର୍ଜାତୀୟ ବିମାନ ଚଳାଚଳକୁ ବନ୍ଦ କରାଯାଇଥିଲା। ଏବେ ପୁଣି ଥରେ ଏହି ବିମାନ ସେବା ଆରମ୍ଭ ହେବାକୁ ଯାଉଛି। ଆସନ୍ତା ୧୫ ତାରିଖରୁ ଭୁବନେଶ୍ୱରରୁ ସିଧାସଳଖ ଦୁବାଇକୁ ଉଡ଼ିବ ବିମାନ ।
ଏହାବାଦ ଜୁନ ୩ରୁ ଭୁବନେଶ୍ୱରରୁ ସିଙ୍ଗାପୁର ଓ ଭୁବନେଶ୍ୱରରୁ ବ୍ୟାଙ୍କକକୁ ମଧ୍ୟ ସିଧା ସଳଖ ବିମାନ ସେବା ଆରମ୍ଭ ହେବ। ଏହି ୨ ସହରକୁ
Also Read
ସପ୍ତାହରେ ଦୁଇ ଦିନ ଲେଖାଏ ଉଡିବ ବିମାନ। ସିଙ୍ଗାପୁରକୁ ମଙ୍ଗଳବାର ଓ ଶନିବାର ବିମାନ ଯାତ୍ରା କରିବ। ସେହିପରି ଭୁବନେଶ୍ୱରରୁ ବ୍ୟାଙ୍କକକୁ ବୁଧବାର ଏବଂ ରବିବାର ବିମାନ ସେବା ରହିଛି।
ଇଣ୍ଡିଗୋ ଏୟାରଲାଇନସ ଏହି ରୁଟରେ ଉଡାଣ ସେବା ଯୋଗାଇ ଦେବ। ଏଥିନିମନ୍ତେ ଆଜିଠାରୁ ଅଗ୍ରୀମ ଟିକେଟ ବୁକିଂ ସେବା ଆରମ୍ଭ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
