ମୋ ଜୀବନରେ ଝଡ଼ ଆସିଛି, ମୁଁ ପୀଡ଼ିତା: ବର୍ଷା ପ୍ରିୟଦର୍ଶିନୀ

ଅନ୍ୟାୟ ବିରୋରେ ଚୁପ୍ ନ ରହିବାକୁ ଓ ସୋସିଆଲ ମିଡିଆର ନେଗେଟିଭିଟିରୁ ଦୂରରେ ରହିବାକୁ ରମାଦେବୀ ୟୁନିଭରସିଟିର ଛାତ୍ରୀଙ୍କୁ ଆହ୍ୱାନ ଦେଇଛନ୍ତି ବର୍ଷା ପ୍ରିୟଦର୍ଶିନୀ।

Barsha Priyadarshini PhotoOR

ବର୍ଷା ପ୍ରିୟଦର୍ଶିନୀ

Niranjan Mishra
  • Published: Monday, 10 April 2023
  • Updated: 10 April 2023, 06:04 PM IST

‘ମୋ ଜୀବନରେ ଝଡ଼ ଆସିଛି। ମୁଁ ପୀଡ଼ିତା।’ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ଏହି ବୟାନ ଏବେ ସବୁଠି ଅଲୋଚନାର ବିଷୟ ହୋଇଛି। ରମାଦେବୀ ମହିଳା ବିଶ୍ୱବିଦ୍ୟାଳୟର ବସନ୍ତ ଉତ୍ସବ କାର୍ଯ୍ୟକ୍ରମରେ ଯୋଗ ଦେଇ ସେ କହିଛନ୍ତି, ଜୀବନ ଅନିଶ୍ଚିତ। କେତେବେଳେ କ’ଣ ଘଟିବ କେହି ଜାଣି ନଥାନ୍ତି। ମୁଁ ଲାଜୁଆ, ଡରୁଆ ପ୍ରକୃତିର ଝିଅ। ମୋ ଜୀବନରେ ଝଡ ଆସିଲା। ଯାହା ଆଶା କରିନଥିଲି ସେୟା ହେଲା।

ଜୀବନ ମତେ ବହୁତ ଥର ପକେଇବାକୁ ଚେଷ୍ଟା କରିଛି । କିନ୍ତୁ ମୁଁ ପୁଣି ଥରେ ଛିଡା ହୋଇଛି। ସୋଶାଲ ମିଡିଆରେ ମୁଁ କାହିଁକି ମତ ରଖେନି ବୋଲି ବହୁ ଲୋକ ପ୍ରଶ୍ନ କରିବାରୁ ମୋର ସାମାଜିକ କାର୍ଯ୍ୟକ୍ରମର ଫଟୋ ଶେଆର କଲି । ଏହା ପରେ ବହୁତ ଲୋକ କମେଣ୍ଟ କଲେ ଯେ, ରାଜନୀତିରେ ଯୋଗ ଦେବାକୁ ଓ ଟିକେଟ ପାଇବାକୁ ଏସବୁ କରୁଛି । ଛୋଟ ବେଳୁ ମୁଁ ସାମାଜିକ କାମରେ ଜଡ଼ିତ ଥିଲି । ସେତେବେଳ ବି ମୁଁ କଣ ପଲିଟିକସକୁ ଯିବାକୁ ଚାହୁଁଥିଲି କି ବୋଲି ପ୍ରଶ୍ନ କରିଛନ୍ତି ବର୍ଷା।

Also Read

ସେ ତେରଛା ଇଙ୍ଗିତ କରି କହିଛନ୍ତି, ଜୀବନରେ ବହୁ ଲୋକ ହତାଶ ହୋଇ ଅନ୍ୟର ଗୋଡ଼ ଟାଣନ୍ତି। ମୋ ନାଁରେ ବହୁତ ମିଥ୍ୟା ଅପପ୍ରଚାର କରାଯାଇଥିଲା। ସେସବୁ ଭିତ୍ତିହୀନ ହୋଇଥିବାରୁ ମୁଁ ପ୍ରତିକ୍ରିୟା ରଖିନି। ନେଗେଟିଭିଟିକୁ କେବେ ଗ୍ରହଣ କରିନି ।

ଅନ୍ୟାୟ ବିରୋଧରେ ଚୁପ୍ ନ ରହିବାକୁ ଓ ସୋଶାଲ ମିଡିଆର ନେଗେଟିଭିଟିରୁ ଦୂରରେ ରହିବାକୁ ରମାଦେବୀ ୟୁନିଭରସିଟିର ଛାତ୍ରୀଙ୍କୁ ଆହ୍ୱାନ ଦେଇଛନ୍ତି ବର୍ଷା ପ୍ରିୟଦର୍ଶିନୀ।

 

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos