ଆଜିଠୁ ବଲାଙ୍ଗିର ଶଟଡାଉନ୍

ବଲାଙ୍ଗିର(ଓଡ଼ିଶା ରିପୋର୍ଟର): ଆଜିଠୁ ଅଗଷ୍ଟ ୩ ତାରିଖ ପର୍ଯ୍ୟନ୍ତ ବଲାଙ୍ଗିର ଜିଲ୍ଲାକୁ ଶଟଡାଉନ୍‌ ଘୋଷଣା କରାଯାଇଛି। କରୋନା ସ୍ଥିତି ଉପରେ ନିୟନ୍ତ୍ରଣ ଆଣିବା ପାଇଁ ଜିଲ୍ଲା ପ୍ରଶାସନ ୪ ଦିନିଆ ଶଟଡାଉନ୍‌ ନିଷ୍ପତ୍ତି ନେଇଛି । ଏହା ସହ ଲୋକମାନେ କିଭଳି ସାମାଜିକ ଦୂରତା ଏବଂ ସ୍ୱଚ୍ଛତାକୁ ଅଧିକ ଗୁରୁତ୍ୱ ଦେବେ ସେ ନେଇ ମଧ୍ୟ ସେମାନଙ୍କୁ  ସଚେତନ କରାଯାଇଛି ।

ଶଟଡାଉନ୍‌ କଟକଣାରୁ କିନ୍ତୁ ଅତ୍ୟାବଶ୍ୟକ ସେବାକୁ ବାଦ୍ ଦିଆଯାଇଛି । ହସ୍ପିଟାଲ, କ୍ଳିନିକ୍, ନର୍ସିଂ ହୋମ୍, ମେଡିସିନ୍ ଷ୍ଟୋର ଖୋଲା ରହିବ । ମେଡିକାଲ ଷ୍ଟାଫମାନଙ୍କୁ ମେଡିକାଲ ଯିବା ଆସିବା କରିବା ପାଇଁ ଅନୁମତି ମିଳିଛି । ଟେଲିକମ୍ ସେବା, ପେଟ୍ରୋଲ ପମ୍ପ ଆଦି ଖୋଲା ରହିବ । ଛାପା ଓ ବୈଦୁତିକ ଗଣମାଧ୍ୟମକୁ କଟକଣାରୁ ବାଦ୍ ଦିଆଯାଇଛି ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।