ଝିପିଝିପି ବର୍ଷାରେ ଭିଜିଲା ବହିମେଳା

<p>ଭୁବନେଶ୍ୱର (ଓଡ଼ିଶା ରିପୋର୍ଟର): କୋହଲା ପାଗ ସାଙ୍ଗକୁ ଝିପିଝିପି ବର୍ଷା। ଭିଜିଛି ଓଡ଼ିଶା। ଭିଜିଛି ରାଜଧାନୀ ଭୁବନେଶ୍ୱର। ପ୍ରଭାବିତ ହୋଇଛି ଭୁବନେଶ୍ୱର ପୁସ୍ତକ ମେଳା। ଅଳ୍ପ କିଛି ସାହିତ୍ୟ ଅନୁରାଗୀ ବର୍ଷାରେ ଭିଜି ଷ୍ଟଲ୍&zwnj;ରୁ ଷ୍ଟଲ୍&zwnj; ବୁଲି ବହି କିଣୁଥିବା ଦେଖିବାକୁ ମିଳିଥିଲା। ସାହିତ୍ୟ ଖଟି ବି ଲାଗୁଥିଲା ଖାଁ ଖାଁ। ଖଟି ବଦଳରେ ମଞ୍ଚରେ ଜମିଥିଲା କବିତା ଆସର।</p> <p>ସାହିତ୍ୟ ମହାକୁମ୍ଭ କୁହାଯାଉଥିବା ୩୪ତମ ଭୁବନେଶ୍ୱର ପୁସ୍ତକ ମେଳାର ମଙ୍ଗଳବାର ଥିଲା ୪ର୍ଥ ସନ୍ଧ୍ୟା। ଦିନ ତମାମ୍&zwnj;ର କୋହଲା ପାଗ ବର୍ଷାର ପୂର୍ବ ସୂଚନା ଦେଇ ସାରିଥିଲା । ସେୟା ହିଁ ହେଲା। ବର୍ଷା ହେବାରୁ ଲୋକଙ୍କ ଗହଳୀ ସେମିତି ଜମି ନ ଥିଲା। ଯେଉଁ କିଛି ଲୋକ ଆସିଥିଲେ, ସେମାନେ ପୌରାଣୀକ ଓ ଆଧୁନିକ ପୁସ୍ତକ କିଣୁଥିବା ଦେଖିବାକୁ ମିଳୁଥିଲା। କଲେଜ ଛାତ୍ରଛାତ୍ରୀମାନେ କ୍ଷୁଦ୍ର ଗଳ୍ପବହି କିଣାରେ ମଜିଥିଲେ।</p>