ସନ୍ଦେହଜନକ ଭାବେ ବୁଲୁଥିଲେ ଯୁବକ, ପାଖରୁ ମିଳିଲା ଅଢ଼େଇ ଲକ୍ଷର ବ୍ରାଉନସୁଗର

ଭଦ୍ରକ(ପାର୍ଥସାରଥୀ ନାୟକ): ଭଦ୍ରକ ଜିଲ୍ଲା ପୁରୁଣା ବଜାର ଥାନା କାଜି ବଜାର ଅଞ୍ଚଳରୁ ୨୫ ଗ୍ରାମ  ବ୍ରାଉନସୁଗର ଜବତ କରାଯାଇଛି। ଏହି ଘଟଣାରେ ଜଣକୁ ଗିରଫ କରିଛି ପୁଲିସ୍‌। ଜବତ ବ୍ରାଉନସୁଗରର ମୂଲ୍ୟ ପ୍ରାୟ ଅଢ଼େଇ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି।

ଗତକାଲି ଯୁବକଜଣକ କାଜି ବଜାରରେ ସନ୍ଦେହଜନକ ଅବସ୍ଥାରେ ବୁଲୁଥିବା ବେଳେ ପୁଲିସ ତାଙ୍କୁ ଧରିଥିଲା । ତାଙ୍କ ନିକଟରୁ ୨୫ ଗ୍ରାମ ବ୍ରାଉନସୁଗର ଜବତ କରିଥିଲା। ଯୁବକଜଣକ କେଉଁଠୁ ବ୍ରାଉନସୁଗର ଆଣିଥିଲେ, କାହାକୁ ବିକ୍ରି କରିବାକୁ ଚେଷ୍ଟା କରୁଥିଲେ, ପୁଲିସ ତାର ଖୋଳତାଡ଼ କରୁଛି ।