ଭୁବନେଶ୍ୱର(ଓଡ଼ିଶା ରିପୋର୍ଟର): ‘କରୋନା’ ଚିକିତ୍ସା ଅନୁଭୂତି ସଂପର୍କିତ ଅଡିଓ ନ୍ୟୁଜ୍ ମାମଲାରେ ଓଟିଭି ଡିଜିଟାଲ ଏଡିଟର ଅମରେଶ ବିଶ୍ୱାଳ ଆଜି କ୍ୟାପିଟାଲ୍ ଥାନାରେ ହାଜର ହୋଇଥିଲେ। ପୂର୍ବାହ୍ନ ୧୧ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ତାଙ୍କୁ ପଚରାଉଚରା କରାଯାଇଥିଲା। ହାଇକୋର୍ଟଙ୍କ ନିର୍ଦ୍ଦେଶ ମୁତାବକ ଆଜି ସେ ଥାନାରେ ହାଜର ହୋଇଥିଲେ।
ଅଡିଓ ନ୍ୟୁଜ୍ ମାମଲାରେ ଗତ ୧୭ରେ ଓଡ଼ିଶା ଟେଲିଭିଜନ କର୍ମଚାରୀଙ୍କୁ ଅନ୍ତରୀଣ ସୁରକ୍ଷା ଦେଇଥିଲେ ହାଇକୋର୍ଟ। ଅନ୍ତରୀଣ ସୁରକ୍ଷା ଦେଇ ତଦନ୍ତରେ ସହଯୋଗ କରିବାକୁ କୋର୍ଟ କହିଥିଲେ। ହାଇକୋର୍ଟଙ୍କ ନିର୍ଦ୍ଦେଶ ମୁତାବକ ଗତ ୨ଦିନ ହେଲା ଓଡ଼ିଶା ରିପୋର୍ଟର ସଂପାଦକ ଦେବେନ୍ଦ୍ର ପୃଷ୍ଟି କ୍ୟାପିଟାଲ୍ ଥାନାରେ ହାଜର ହୋଇଥିଲେ। ଦେବେନ୍ଦ୍ରଙ୍କୁ ୧୯ରେ ୫ ଘଣ୍ଟା ଓ ଗତକାଲି ୫ ଘଣ୍ଟା ଧରି କ୍ୟାପିଟାଲ୍ ଥାନା ପୁଲିସ ପଚରାଉଚରା କରିଥିଲା।
ଘଟଣାରେ ପୂର୍ବରୁ ୨ ସାଧାରଣ ଲୋକ ଗିରଫ ହୋଇ ଜାମିନ ପାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
