ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରରେ ଋଣ ଜାଲିଆତି। ନ୍ୟାସ୍ନାଲ ସେଣ୍ଟର ଫର୍ ଏନର୍ଜୀ ମ୍ୟାନେଜମେଣ୍ଟ ନାଁରେ ନକଲି କମ୍ପାନୀ ଖୋଲି ଲକ୍ଷାଧିକ ଟଙ୍କା ଠକେଇ ହୋଇଛି। ନକଲି କର୍ମଚାରୀମାନେ ୧୦ ଲକ୍ଷ ଟଙ୍କା ଠକିଥିବା ଅଭିଯୋଗ ହୋଇଛି। ଏନେଇ ଅଭିଯୋଗ ହେବା ପରେ କମିଶରେଟ୍ ପୁଲିସ୍ ୪ ଅଭିଯୁକ୍ତଙ୍କୁ ଗିରଫ କରିଛି।
ଅଭିଯୋଗରୁ ପ୍ରକାଶ, ସନ୍ତୋଷ ସାମଲ ହେଉଛନ୍ତି ଜଣେ ଦଲାଲ୍। ସେ ନ୍ୟାସ୍ନାଲ ସେଣ୍ଟର ଫର୍ ଏନର୍ଜୀ ମ୍ୟାନେଜମେଣ୍ଟ ନାଁରେ ଫେକ୍ କମ୍ପାନୀ ଖୋଲି ବାଜାଜ୍ ଫିନ୍ସର୍ବଭରଠାରୁ ଭାରତ ଲେଙ୍କାଙ୍କୁ ୧୦ ଲକ୍ଷ ଟଙ୍କା ଋଣ କରାଇ ଦେଇଥିଲା। ପରବର୍ତ୍ତୀ ସମୟରେ ମମତା ପାତ୍ର ଓ ପ୍ରକାଶ ପ୍ରଧାନଙ୍କ ପାଇଁ ସମାନ ଢଙ୍ଗରେ ଋଣ ଆବେଦନ କରିଥିଲା। ତେବେ ବାଜାଜ୍ ଫିନ୍ସର୍ବଭର ସନ୍ଦେହ ହେବାରୁ ନୟାପଲ୍ଲୀ ଥାନାରେ ଅଭିଯୋଗ କରାଯାଇଥିଲା।
କମିଶନରେଟ୍ ପୁଲିସ ଅଭିଯୋଗକୁ ଭିତ୍ତି କରି ଆଜି ଭରତ ଲେଙ୍କା, ସନ୍ତୋଷ ସାମଲ, ମମତା ପାତ୍ର ଓ ସୁନନ୍ଦ ସାମଲଙ୍କୁ ଗିରଫ କରିଛି। ପୁଲିସ ସେମାନଙ୍କଠାରୁ ଦୁଇ ଲକ୍ଷ ୭୦ ହଜାର ଟଙ୍କା ଜବତ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
