ଭାରତ ଭ୍ରମଣ କରୁଥିବା ଏନ୍‌ଏସ୍‌ଜି ଟିମ୍‌କୁ କମିଶନରେଟ୍‌ ପୋଲିସର ସମ୍ବର୍ଦ୍ଧନା

<p>ଭୁବନେଶ୍ୱର: ଆତଙ୍କବାଦ ବିରୋଧରେ ଲଢେଇ ବାର୍ତ୍ତା ନେଇ ଦେଶବ୍ୟାପୀ ବାଇକ୍ ଅଭିଯାନରେ ବାହାରିଛନ୍ତି ଏନ୍ଏସ୍&zwnj;ଜିର ୩୨ ଜଣିଆ ଟିମ୍। ଏମାନଙ୍କ ମଧ୍ୟରୁ ୨୦ଜଣ ବାଇକ୍ ଆରୋହଣ କରି ଏକ୍ସପେଡିସନ୍&zwnj;ରେ ସାମିଲ ହୋଇଥିବାବେଳେ ଏମାନଙ୍କ ସୁରକ୍ଷା ପାଇଁ ନିୟୋଜିତ ହୋଇଛନ୍ତି ୧୨ଜଣ। ବିଭିନ୍ନ ରାଜ୍ୟ ଗସ୍ତ କରିବା ଅବସରରେ ଏମାନେ ବିଭିନ୍ନ କ୍ଷେତ୍ରରେ କାର୍ଯ୍ୟରତ ବ୍ୟକ୍ତି ବିଶେଷଙ୍କୁ ଭେଟୁଛନ୍ତି। ଏହି ଅବସରରେ ଆତଙ୍କବାଦକୁ କିଭଳି ରୋକାଯିବ ସେ ନେଇ ଆଲୋଚନା କରୁଛନ୍ତି।</p> <p>ଓଡ଼ିଶାରେ ବ୍ରହ୍ମପୁର ପରେ ଭୁବନେଶ୍ୱର କମିଶନରେଟ୍ ମୁଖ୍ୟାଳୟରେ ଓଡ଼ିଶା ପୋଲିସ ପକ୍ଷରୁ ଏନ୍ଏସ୍&zwnj;ଜି ଟିମ୍&zwnj;କୁ ସମ୍ବର୍ଦ୍ଧନା ଦିଆଯାଇଛି। ଏଥିରେ ପୋଲିସ ମୁଖ୍ୟାଳୟ ଏଡିଜି ସତ୍ୟଜିତ ମହାନ୍ତି, ଆଇଜି ଅପରେସନ୍ ଆର୍.ପି. କୋଚେ, ପୋଲିସ କମିଶନର ଯୋଗେଶ ବାହାଦୁର ଖୁରାନିଆ ପ୍ରମୁଖ ଉପସ୍ଥିତ ଥିଲେ।</p> <p>ଏହି ଅବସରରେ ଏନ୍&zwnj;ଏସ୍&zwnj;ଜି ଭଳି ଓଡ଼ିଶା ପୋଲିସରେ ବି ସ୍ୱତନ୍ତ୍ର ଫୋର୍ସ ଗଠନ ଉପରେ ଗୁରୁତ୍ୱ ଦେଇଛନ୍ତି ଡିଜିପି ରାଜେନ୍ଦ୍ର ପ୍ରସାଦ ଶର୍ମା। ସେ କହିଛନ୍ତି- ଆତଙ୍କବାଦ ବିରୋଧୀ କାର୍ଯ୍ୟକଳାପ ବ୍ୟତୀତ ଏନ୍&zwnj;ଏସ୍&zwnj;ଜି ନିଜ ପାଇଁ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛି। ଏନ୍ଏସ୍&zwnj;ଜି ଅଧୀନରେ ଆସୁଥିବା ନ୍ୟାସନାଲ୍ ବମ୍ବ ଡାଟା ସେଣ୍ଟର ବା ଏନ୍&zwnj;ବିଡିସି ନିଜର କାର୍ଯ୍ୟ ପାଇଁ ସମଗ୍ର ବିଶ୍ୱରେ ନିଜର ପରିଚୟ ସୃଷ୍ଟି କରିଛି। ଠିକ୍ ସେହିଭଳି ଓଡ଼ିଶାର ପୋଲିସ ଫୋର୍ସକୁ ସ୍ୱତନ୍ତ୍ର ପରିଚୟ ଦେବା ଲାଗି ଉଦ୍ୟମ ହେବା ଦରକାର।</p>