ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟରେ ଉଚ୍ଚଶିକ୍ଷା କ୍ଷେତ୍ରରେ ସଂସ୍କାର ଆସିବା ଦରକାର। ଏଥିପାଇଁ ପ୍ରସ୍ତାବ ଦେଇଛନ୍ତି କୁଳାଧିପତି ତଥା ରାଜ୍ୟପାଳ ସତ୍ୟପାଲ ମଲ୍ଲିକ। ଆଜି ରାଜଭବନରେ ଆୟୋଜିତ କୁଳପତି ସମ୍ମିଳନୀରେ ରାଜ୍ୟପାଳ ଏହିସବୁ ପ୍ରସ୍ତାବ ଦେଇଛନ୍ତି।</p> <p>ରାଜ୍ୟପାଳ କହିଛନ୍ତି-“ରାଜ୍ୟର ବିଶ୍ୱବିଦ୍ୟାଳୟ ଗୁଡିକରେ ଆଡ୍‌ମିଶନ ଲାଗି ଏକକ ପ୍ରବେଶିକା (କମନ୍ ଏଣ୍ଟ୍ରାନ୍ସ ଟେଷ୍ଟ) କରାଯାଉ। ଏହାଦ୍ୱାରା ଆଡମିଶନ ପ୍ରକ୍ରିୟା ଶୃଙ୍ଖଳିତ ହେବ। ଅଧ୍ୟାପକ ଓ ଛାତ୍ରଛାତ୍ରୀଙ୍କ ଉପସ୍ଥାନ ବୃଦ୍ଧି ଲାଗି କଲେଜ ଓ ବିଶ୍ୱବିଦ୍ୟାଳୟରେ ବାୟୋମେଟ୍ରିକ୍ ବ୍ୟବସ୍ଥା ଲାଗୁ କରାଯାଉ।”</p> <p><a href="">(image) </a>ଛାତ୍ରଛାତ୍ରୀଙ୍କ ଦକ୍ଷତା ବିକାଶ ଓ ଛାତ୍ର ସଂସଦ ନିର୍ବାଚନ ସପକ୍ଷରେ ଯୁକ୍ତି ରଖିଛନ୍ତି ରାଜ୍ୟପାଳ। ରାଜ୍ୟର କୌଣସି ବିଶ୍ୱବିଦ୍ୟାଳୟ ଜାତୀୟ ତାଲିକାରେ ଟପ୍ ଶହେରେ ସ୍ଥାନ ପାଇନଥିବା ବେଳେ ଉଚ୍ଚଶିକ୍ଷା କ୍ଷେତ୍ରରେ ସଂସ୍କାରକୁ ଆଜି ରାଜଭବନରେ ଅନୁଷ୍ଠିତ କୁଳପତି ସମ୍ମିଳନୀରେ ଗୁରୁତ୍ୱ ଦେଇଛନ୍ତି ରାଜ୍ୟପାଳ।</p> <p>କୁଳପତିମାନେ ବୈଷୟିକ ଶିକ୍ଷାର ମାନବୃଦ୍ଧି ଓ ନିଯୁକ୍ତି ସୁଯୋଗ ସୃଷ୍ଟି କରାଯିବା ଉପରେ ଗୁରୁତ୍ୱ ଦେଇଥିଲେ। ଅଧ୍ୟାପକ ପଦବୀ ଠିକ୍ ସମୟରେ ପୂରଣ ହେଉନଥିବାରୁ ଶିକ୍ଷାଦାନ ବାଧାପ୍ରାପ୍ତ ହେଉଥିବା ଭିମ୍‌ସାର କୁଳପତି କହିଥିଲେ। ଅନ୍ୟପକ୍ଷରେ ସିଧାସଳଖ ଛାତ୍ର ସଂସଦ ନିର୍ବାଚନ ନକରି ସିଲେକ୍ସନ୍ କରାଗଲେ କ୍ୟାମ୍ପସରେ ହିଂସା କମିବ ବୋଲି ମତ ଦେଇଥିଲେ ରେଭେନ୍ସା କୁଳପତି। ଠିକ୍ ସମୟରେ ପରୀକ୍ଷା କରି ରେଜଲ୍ଟ ବାହାର କରିବା, ଗବେଷଣା ଓ ଉତ୍କର୍ଷ, ନିଯୁକ୍ତି, ଅଧ୍ୟାପକ ପଦବୀ ପୂରଣ ଭଳି ୧୦ଟି ପ୍ରସଙ୍ଗରେ କୁଳପତି ସମ୍ମିଳନୀରେ ବିଚାରବିମର୍ଶ କରାଯାଇଛି।</p> <p>ଉଚ୍ଚଶିକ୍ଷା ମନ୍ତ୍ରୀ ଅନନ୍ତ ଦାସ, ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଅଶୋକ ପଣ୍ଡା, ଆଇଟି ମନ୍ତ୍ରୀ ଚନ୍ଦ୍ରସାରଥୀ ବେହେରା ଓ ଅର୍ଥ ମନ୍ତ୍ରୀ ଶଶୀଭୂଷଣ ବେହେରା ପ୍ରମୁଖ ସମ୍ମିଳନୀରେ ଉପସ୍ଥିତ ରହି ରାଜ୍ୟରେ ଉଚ୍ଚଶିକ୍ଷାର ସ୍ଥିତି ସମ୍ପର୍କରେ ରାଜ୍ୟପାଳଙ୍କୁ ଅବଗତ କରାଇଥିଲେ।</p> <p>https://youtu.be/rYOEn3qzqK8?list=PLCyWzDTInVT8_QA7KdIU_q03V7VRQEelt</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
