ସାଧାରଣ ଲୋକଙ୍କୁ ସରକାରୀ କାର୍ଯ୍ୟାଳୟ ମନା

ରାଉରକେଲା(ସତ୍ୟାନନ୍ଦ ମହାନ୍ତି):  ଦିନକୁ ଦିନ ରାଉରକେଲାରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ତେଣୁ ପ୍ରଶାସନ ପକ୍ଷରୁ ବିଭିନ୍ନ ସତର୍କତା ମୂଳକ ପଦକ୍ଷେପ ନିଆଯାଉଛି । ଏହି ପରିପେକ୍ଷୀରେ ଆଜିଠୁ ଜୁଲାଇ ୩୧ ତାରିଖ ପର୍ଯ୍ୟନ୍ତ ଜନସାଧାରଣଙ୍କୁ ରାଉରକେଲା ମହାନଗର ନିଗମ କାର୍ଯ୍ୟାଳୟ ଆସିବାକୁ ବାରଣ କରାଯାଇଛି।  କୌଣସି ଆବେଦନ, ପେମେଣ୍ଟ ଆଦି କରିବାକୁ ଥିଲେ ଅନ୍‌ଲାଇନ୍‌ରେ କରିବାକୁ ପରାମର୍ଶ ଦିଆଯାଇଛି। ଏଥିଲାଗି ମହାନଗର ନିଗମ ସ୍ୱତନ୍ତ୍ର ଇ ମେଲ୍‌ ଆଇଡି ମଧ୍ୟ ଜାରି କରିଛି। ଏମିତିକି କୌଣସି ଅଭିଯୋଗ ଥିଲେ କାର୍ଯ୍ୟାଳୟ ବାହାରେ ଥିବା ଅଭିଯୋଗ ବାକ୍ସରେ ପକାଇବାକୁ ମହାନଗର ନିଗମ ଡେପୁଟି କମିଶନର ସୁଧାଂଶୁ ଭୋଇ କହିଛନ୍ତି।

ସେହିପରି ରାଉରକେଲା ପାନପୋଷ ଉପଜିଲ୍ଲାପାଳ କାର୍ଯ୍ୟାଳୟକୁ ମଧ୍ୟ ଜନସାଧାରଣଙ୍କୁ ୭ଦିନ ନଆସିବାକୁ  ପରାମର୍ଶ ଦିଆଯାଇଛି। ଯେଉଁମାନଙ୍କ କାମ ଅଛି ସେମାନେ ଅନ୍‌ଲାଇନରେ ଯୋଗାଯୋଗ କରିବାକୁ ପାନପୋଷ ଉପଜିଲ୍ଲାପାଳ ବିଶ୍ୱଜିତ ମହାପାତ୍ର କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।