ଦେବଗଡ଼(ସିଦ୍ଧାର୍ଥ ଗୁରୁ) -ହାଇୱା ଧକ୍କାରେ ଚୁରମାର ହୋଇଗଲା ୨ ଟି ଶଗଡ ଗାଡି । ଏହି ଦୁର୍ଘଟଣାରେ ଶଗଡ଼ ଗାଡ଼ି ନେଇ ଯାଉଥିବା ୨ ଦମ୍ପତି ଗୁରୁତର ହୋଇଥିବା ବେଳେ ୨ଟି ବଳଦର ମୃତ୍ୟୁ ହୋଇଛି। ଏପରି ଦୁର୍ଘଟଣା ଆଜି ସକାଳେ ଦେବଗଡ ଜିଲା କୁଣ୍ଡେଇଗୋଳା ଥାନା ଅନ୍ତର୍ଗତ ରଞ୍ଜଣା ଗ୍ରାମରେ ଘଟିଛି। ଗୁରୁତରମାନେ ହେଲେ ରଞ୍ଜଣା ଗ୍ରାମର ନାରାୟଣ ଦେୁହରୀ , ତାଙ୍କ ସ୍ତ୍ରୀ କୁଡାଣୀ ଦେହୁରୀ ଏବଂ ଖଗେଶ୍ୱର ସାହୁ ଓ ତାଙ୍କ ସ୍ତ୍ରୀ ରୁନୁ ସାହୁ ।
ଆଜି ସକାଳେ ଦମ୍ପତିଦ୍ୱୟ ଶଗଡଗାଡି ନେଇ ଖିଲେଇ ଆଡ଼କୁ ଯାଉଥିଲେ। ଉକ୍ତ ସମୟରେ ରାଂଚି-ବିଜୟୱାଡା ରାଜପଥ ଦେଇ ଦେବଗଡ ପଟୁ ଏକ ହାଇୱା ଟ୍ରକ ଯାଉଥିଲା। ହାଇୱାଟି ରଞ୍ଜଣା ଗ୍ରାମ ନିକଟସ୍ଥ ଏକ ବୁଲାଣିରେ ଶଗଡ଼ ୨ଟିକୁ ଧକ୍କା ଦେଇ ଘଟଣାସ୍ଥଳରୁ ଫେରାର ହୋଇଯାଇଥିଲା।
[caption id="attachment_733805" align="aligncenter" width="650"]
ଏହି ଦୁର୍ଘଟଣାରେ ୨ଟି ଯାକ ଶଗଡଗାଡିର ଗୋଟିଏ ଲେଖାଏଁ ବଳଦଙ୍କର ମୃତ୍ୟୁ ଘଟିଛି। ସ୍ଥାନୀୟ ଲୋକେ ସମସ୍ତ ଆହତଙ୍କୁ ପ୍ରଥମେ ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ସେମାନଙ୍କ ମଧ୍ୟରୁ ଖଗେଶ୍ୱର ଓ ତାଙ୍କ ପତ୍ନୀ ରୁନୁଙ୍କ ଅବସ୍ଥା ସଙ୍କଟାପନ୍ନ ହେବାରୁ ଉଭୟଙ୍କୁ ଅନୁଗୁଳ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଗାଡ଼ିଟି ଫେରାର ହୋଇଯାଇଥିବାରୁ ତାହାର ପତ୍ତା ମିଳିପାରିନି।