ରେଳ ଧାରଣାରେ ଫାଟ; ଅଳ୍ପକେ ବର୍ତ୍ତିଲା ଲୋକମାନ୍ୟ ତିଳକ ଏକ୍ସପ୍ରେସ

ଢେଙ୍କାନାଳ(ରାଜଶ୍ରୀ ଶତପଥୀ): ଢେଙ୍କାନାଳ ମହାଦିଆ ପାସେଞ୍ଜର ହଲ୍ଟ ନିକଟରେ ରେଳ ଧାରଣାରେ ଫାଟ ଯୋଗୁ ମୁମ୍ବାଇ- ଭୁବନେଶ୍ୱର ଲୋକମାନ୍ୟ ତିଳକ ଏକ୍ସପ୍ରେସ ଅଳ୍ପକେ ବର୍ତ୍ତି ଯାଇଛି। ସ୍ଥାନୀୟ ଲୋକେ ଧାରଣରେ ଫାଟ ଦେଖିବା ପରେ ନିକଟସ୍ଥ ଷ୍ଟେସନ ମାଷ୍ଟରଙ୍କୁ ଜଣାଇଥିଲେ। ପରେ  ସେହି ଲାଇନ୍‌ ଦେଇ ଯାଉଥିବା ଅନୁଗୋଳ- ପୁରୀ ପାସେଞ୍ଜର ଟ୍ରେନ ଓ ଭୁବନେଶ୍ୱର – ବଲାଙ୍ଗିର ଏକ୍ସପ୍ରେସ ୩ ଘଣ୍ଟା ପର୍ଯ୍ୟନ୍ତ ଅଟକି ରହିଥିଲା।

ସକାଳ ୬ଟାରେ ମୁମ୍ବାଇ- ଭୁବନେଶ୍ୱର ଲୋକମାନ୍ୟ ତିଳକ ଏକ୍ସପ୍ରେସ ଢେଙ୍କାନାଳ ମହାଦିଆ ପାସେଞ୍ଜର ହଲ୍ଟ ଅତିକ୍ରମ କରୁଥିବା ବେଳେ ଏହି ଘଟଣା ଜଣାପଡ଼ିଥିଲା। ରେଳ ବିଭାଗ ପକ୍ଷରୁ ଧାରଣା ମରାମତି କରାଯିବା ପରେ ଟ୍ରେନ ଚଳାଚଳ ସ୍ଵାଭାବିକ ହୋଇଥିଲା ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।