Suicide : ନିଜକୁ ଗୁଳି କରିଦେଲେ ସିଆରପିଏଫ ଯବାନ

ନିଜକୁ ଗୁଳି କରି ଦେଲେ ସିଆରପିଏଫ ଯବାନ। ସୁନ୍ଦରଗଡ଼ ଜିଲ୍ଲା ଲାଠିକଟା ଥାନା ଅଧୀନ ମାଟକଝରଣରେ ସୋମବାର ଘଟିଛି ଏହି ଘଟଣା। ମୃତ ଯବାନଙ୍କ ନାଁ ସୁବାସ ପ୍ରସାଦ। ସେ ସିଆରପିଏଫରେ ହାବିଲଦାର ରାଙ୍କରେ କାର୍ଯ୍ୟ କରୁଥିଲେ। ତାଙ୍କ ଘର ଉତ୍ତର ପ୍ରଦେଶରେ।

ସୁବାସ ଆଜି ସିଆରପିଏଫ ଶିବିରରେ ନିଜ ସର୍ଭିସ ବନ୍ଧୁକରୁ ଗୁଳି କରିଥିଲେ। ସେ କାହିଁକି ଏମିତି ପଦକ୍ଷେପ ନେଲେ ତାହା ଜଣାପଡ଼ିନାହିଁ।

ଗତ ସପ୍ତାହରେ ନୟାଗଡ଼ ଜିଲ୍ଲାରେ ଓଡ଼ିଶା ପୁଲିସର ଜଣେ କନଷ୍ଟେବଳ ନିଜ ସର୍ଭିସ ବନ୍ଧୁକରୁ ଗୁଳି କରି ଆତ୍ମହତ୍ୟା କରିଥିବା ଅଭିଯୋଗ ହୋଇଥିଲା। ସେ ଜଣେ ଯୁବତୀଙ୍କୁ ବିବାହ କରିବାକୁ ଚାହୁଁଥିଲେ। କିନ୍ତୁ ତାଙ୍କ ପରିବାର ଲୋକେ ଏହାକୁ ବିରୋଧ କରୁଥିଲେ। ଏହି ପାରିବାରିକ ବିବାଦ ମଧ୍ୟରେ ଚିନ୍ତାଗ୍ରସ୍ତ ଥିବା କନଷ୍ଟେବଳ ଜଣକ ଚର୍ମ ନିଷ୍ପତ୍ତି ନେଇଥିଲେ ଓ ପୁଲିସ ବାରାକର ଛାତ ଉପରେ ନିଜକୁ ଗୁଳି କରିଦେଇଥିଲେ ବୋଲି ପ୍ରାଥମିକ ତଦନ୍ତରୁ ଜଣାପଡିଛି।