୩ ପେଟି କଫ୍ ସିରପ୍‌ ଜବତ

ନୂଆପଡ଼ା(ମାୟାଧର ସରଫ୍): ନୂଆପଡ଼ା ଜିଲ୍ଲା ଖଡ଼ିଆଳ ପୁଲିସ୍‌ ୪୮୦ ବୋତଲ କଫ୍ ସିରପ୍‌ ଜବତ କରିଛି। ଅରେଡା ଗାଁ ଛକରେ ବେଆଇନ ଭାବେ ଚାଲାଣ ହେଉଥିବା ୩ ପେଟି କଫ୍ ସରିପ୍‌କୁ ଜବତ କରାଇଛି।

ରାଜ୍ୟ ଓ ରାଜ୍ୟ ବାହାରକୁ ଏହି କଫ୍ ସିରପ୍‌ ଚାଲାଣ ହେଉଥିଲା। ଏକ ବାଇକ୍ ଯୋଗେ ଏହାକୁ ଚାଲାଣ କରାଯାଉଥିବା ବେଳେ ହଠାତ୍ ପୁଲିସ ଚଢ଼ାଉ କରି ୪ ଜଣଙ୍କୁ ଗିରଫ କରିଛି।

ଖଡ଼ିଆଳ ଥାନା ଆଇଆଇସି ସଦାନନ୍ଦ ପୂଜାହାରୀ କହିଛନ୍ତି, “ତିନି ପେଟି କଫ୍‌ ସିରିପ୍‌ ଆସୁଥିବା ନେଇ ଆମେ ଖବର ପାଇଥିଲୁ। ଆମର ଏକ ଟିମ୍ ଅରେଡା ଛକରେ ସେମାନଙ୍କୁ ‌ଅଟକ ରଖିଥିଲେ। ଯାଞ୍ଚ ବେଳେ ଦୁଇଟି ବାଇକ୍‌ରେ ୪୮୦ ବୋତଲ୍ କଫ୍ ସିରପ୍‌ ଥିବା ଜଣାପଡ଼ିଥିଲା। ଏକଜ୍ୟୁକିଟିଭ୍ ମ୍ୟାଜିଷ୍ଟେଟ୍, ଡ୍ରଗ୍ସ ଇନ୍ସପେକ୍ଟର ଉପସ୍ଥିତିରେ ଏହା ଜବତ କରାଯାଇଛି।”

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।