ଅଖନା ହତ୍ୟା ମାମଲା: ୨ ଜଣଙ୍କ ସାକ୍ଷ୍ୟ ଗ୍ରହଣ

dhalasamanta1କଟକ: କଟକ ପ୍ରଥମ ଅତିରିକ୍ତ ଜିଲ୍ଲା ଦୌରାଜଜ୍‌ କୋର୍ଟରେ ବିଡାନାସୀ ଅଖନା ହତ୍ୟା ମାମଲାର ସାକ୍ଷ୍ୟ ଗ୍ରହଣ ଶେଷ ହୋଇଛି। ଆଜି ଦିଲ୍ଲୀପ ସାହୁ ଓ ଭରତ ଜେନା ସାକ୍ଷୀ ଦେବାକୁ ଆସି ସୁଶାନ୍ତ ଧଳସାମନ୍ତଙ୍କୁ ଚିହ୍ନି ନଥିବା କହିଛନ୍ତି।

୨୦୦୪ ମେ’ ୫ ତାରିଖରେ ସୁଶାନ୍ତ ଧଳସାମନ୍ତ ଓ ସୁଶୀଲ ଧଳସାମନ୍ତ (ଡି-ବ୍ରଦର୍ସ) ଦୁଇ ଭାଇ ସେମାନଙ୍କ ସହଯୋଗୀ ଅଖନାକୁ ହତ୍ୟା କରିଥିବା ଅଭିଯୋଗ ହୋଇଥିଲା। ଏହି ଘଟଣା ପରେ ସୁଶାନ୍ତ ଫେରାର ହୋଇଯାଇଥିବା ବେଳେ ସୁଶୀଲ ଓ ଅନ୍ୟ ସହଯୋଗୀମାନେ କୋର୍ଟରେ ହାଜର ହୋଇ ନିର୍ଦ୍ଦୋଷରେ ଖଲାସ ହୋଇଥିଲେ।

ଦୀପୁ ଓ ଓମ୍‌ ହତ୍ୟା ମାମଲାରେ ଡି-ବ୍ରଦର୍ସ ଗିରଫ ହେବା ପରେ ସୁଶାନ୍ତ ବିରୋଧରେ ଅଖନା ହତ୍ୟା ମାମଲାର ଶୁଣାଣି କଟକ ପ୍ରଥମ ଅତିରିକ୍ତ ଜିଲ୍ଲା ଦୌରାଜଜ୍‌ କୋର୍ଟରେ ଆରମ୍ଭ ହୋଇଛି। ସାକ୍ଷୀମାନେ ସହଯୋଗ କରୁନାହାନ୍ତି ବୋଲି ସୁଶାନ୍ତଙ୍କ ଓକିଲ ପୂର୍ବପରି ଏଥର ମଧ୍ୟ ଅଭିଯୋଗ କରିଛନ୍ତି।