କମେଣ୍ଟ ମରାକୁ ନେଇ କଟକ ଅଶାନ୍ତ: ପୋଲିସକୁ ପଥର ମାଡ଼

<p>କଟକ(ଓଡ଼ିଶା ରିପୋର୍ଟର): କମେଣ୍ଟ ମରାକୁ ନେଇ କଟକରେ ଦୁଇ ସାହି ମଧ୍ୟରେ ଗଣ୍ଡଗୋଳ ହୋଇଛି। ମୁଖ୍ୟ ରାସ୍ତା ରଣକ୍ଷେତ୍ର ପାଲଟି ଥିଲା। ବୋତଲ ଓ ଢେଲା ମାଡରେ ୨ ସାହିବାସିନ୍ଦାଙ୍କ ସହ ଦୁଇ ଆଇଆଇସି ସାମାନ୍ୟ ଆହତ ହୋଇଛନ୍ତି। ଏହି ଘଟଣାରେ ପୋଲିସ ୨୫ ଜଣଙ୍କୁ ଗିରଫ କରିଛି।</p><p>&lt;a href=&quot;&quot;&gt;(image) &lt;/a&gt;ଆଜି ମଧ୍ୟାହ୍ନରେ ରାଜାବଗିଚା ଅଞ୍ଚଳର ସର୍ବୋଦୟପୁର ଓ ସୁଇପର୍ କଲୋନୀବାସୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ଦୁଇ ସାହି ଲୋକେ ପରସ୍ପରକୁ କାଚ ବୋତଲ ଓ ପଥର ମାଡ଼ କରିଥିଲେ। ଏପରିକି ଗାଡି ଭଙ୍ଗାରୁଜା ମଧ୍ୟ କରିଥିଲେ। ରାଜାବଗିଚା-ଖାନନଗର ମୁଖ୍ୟ ରାସ୍ତା ରଣକ୍ଷେତ୍ର ପାଲଟି ଥିଲା। ଉତ୍ତେଜନା ପରିସ୍ଥିତି ନିୟନ୍ତ୍ରଣ ବାହାରକୁ ଯାଉଥିବା ଦେଖି ପୋଲିସ ଘଟଣା ସ୍ଥଳରେ ପହଞ୍ଚି ଗଣ୍ଡଗୋଳକାରୀଙ୍କୁ ଘଉଡାଇବାକୁ ଚେଷ୍ଟା କରିଥିଲା। ମାତ୍ର ସାହିବାସିନ୍ଦାଙ୍କ ବୋତଲ ଓ ଢେଲା ମାଡରେ ୨ ଜଣ ଲୋକଙ୍କ ସମେତ ବାଦାମବାଡି ଓ ପୁରୀଘାଟ ଥାନାର ଆଇଆଇସି ଆହତ ହୋଇଥିଲେ। ଏହି ଘଣାରେ ପୋଲିସ ଦୁଇ ସାହିର ୨୫ ଜଣଙ୍କୁ ଗିରଫ କରିଛି। ସ୍ଥିତି ଉତ୍ତେଜନାପୂର୍ଣ୍ଣ ଥିବାରୁ ପୋଲିସ ଉକ୍ତ ଅଞ୍ଚଳରେ ଫ୍ଲାଗ୍ ମାର୍ଚ୍ଚ କରିଛି। ପୋଲିସ କମିଶନର ଓ୍ୱାଇ.ବି. ଖୁରାନିଆ ଓ କଟକ ଡିସିପି ଅଖିଳେଶ୍ୱର ସିଂହ ଘଟଣାସ୍ଥଳ ପରିଦର୍ଶନ କରି ସ୍ଥିତିର ଅନୁଧ୍ୟାନ କରିଛନ୍ତି। କମେଣ୍ଟ ମରାରୁ ଏହି ଗଣ୍ଡଗୋଳ ଆରମ୍ଭ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି।</p><p>&lt;a href=&quot;http://odishareporter.in/wp-content/uploads/2017/10/auto-in-cuuack.jpg&quot;&gt;(image) &lt;/a&gt;ପୋଲିସ କମିଶନର ଓ୍ୱାଇ.ବି. ଖୁରାନିଆ କହିଛନ୍ତି-&ldquo;କମେଣ୍ଟ ମରାକୁ ନେଇ ଗଣ୍ଡଗୋଳ ହୋଇଥିବା ଅନୁମାନ କରାଯାଉଛି। ଏବେ ସ୍ଥିତି ନିୟନ୍ତ୍ରଣରେ ରହିଛି। ପୋଲିସ ସଜାଗ ରହିଛି। ପାଟ୍ରୋଲିଂ କରାଯାଉଛି। ଏହି ଗଣ୍ଡଗୋଳରେ ଯେଉଁମାନେ ସମ୍ପୃକ୍ତ ଅଛନ୍ତି, ସେମାନଙ୍କୁ ଗିରଫ କରାଯିବ।&rdquo;</p><p>କଟକ ଡିସିପି ଅଖିଳେଶ୍ୱର ସିଂହ କହିଛନ୍ତି-&ldquo;କମେଣ୍ଟ ମରାକୁ ନେଇ ଆଜି ଗଣ୍ଡଗୋଳ ହୋଇଛି। ଏହି ଗଣ୍ଡଗୋଳରେ ଯେଉଁମାନେ ସମ୍ପୃକ୍ତ ଥିବେ ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।&rdquo;</p><p>[vc_video link=&quot;https://www.youtube.com/watch?v=rlz5idOMNWs&quot; align=&quot;center&quot;]</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।