OR 
ଲୋକପ୍ରିୟ ଅଭିନେତ୍ରୀ ତଥା ପଲିଟିସିଆନ୍ ଜୟପ୍ରଦା ଗତକାଲି କଟକସ୍ଥିତ ମା’ ଚଣ୍ଡୀଙ୍କ ଦର୍ଶନ କରିଛନ୍ତି। ବାସନ୍ତୀ ଦୁର୍ଗାପୂଜା ପାଇଁ ଏବେ ନବରାତ୍ର ଚାଲୁଥିବାରୁ ଜୟପ୍ରଦା ମା’ କଟକ ଚଣ୍ଡୀଙ୍କ ଦର୍ଶନ କରି ପୂଜାର୍ଚ୍ଚନା କରିଛନ୍ତି ।
ଜୟପ୍ରଦାଙ୍କ ସହ ତାଙ୍କ ପୁଅ ସମ୍ରାଟ ମଧ୍ୟ ମା’ଙ୍କ ଦର୍ଶନ କରିଛନ୍ତି। ଏହି ଅବସରରେ ଜୟପ୍ରଦା ଓଡିଶାବାସୀଙ୍କ ଆତିଥ୍ୟକୁ ପ୍ରଶଂସା କରିଛନ୍ତି। ନବରାତ୍ର ପାଇଁ ମା’ଙ୍କ ମନ୍ଦିରରେ ଭିଡ ଲାଗିଥିବା ବେଳେ ଅଭିନେତ୍ରୀ ଜୟପ୍ରଦାଙ୍କୁ ଦେଖିବାକୁ ଲୋକଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଥିଲା ।
Also Read
ମା’ଙ୍କ ଦର୍ଶନ କରି ବେଶ ଖୁସି ଥିବା ଜୟପ୍ରଦା କହିଛନ୍ତି, ମୁଁ ନବରାତ୍ରୀ ଅବସରରେ ପ୍ରତିବର୍ଷ ଉପବାସ କରିଥାଏ । ଚଳିତ ବର୍ଷ ମା’ କଟକ ଚଣ୍ଡୀଙ୍କ ଦର୍ଶନ ଲାଭ କରି ଖୁବ୍ ଖୁସି ଅନୁଭବ କରୁଛି। ସମସ୍ତେ ଖୁସିରେ ରୁହନ୍ତୁ ବୋଲି ମା’ଙ୍କ ନିକଟରେ ପ୍ରାର୍ଥନା କରିଛି।
ବିଗତ ଦିନର ଲୋକପ୍ରିୟ ଅଭିନେତ୍ରୀ ଜୟପ୍ରଦାଙ୍କୁ ଦେଖିବାକୁ ଚଣ୍ଡୀ ମନ୍ଦିର ନିକଟରେ ପ୍ରବଳ ଲୋକ ଗହଳି ହୋଇଥିଲା। ଏହି ଅବସରରେ ତାଙ୍କ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
