OR 
ଏକାଦଶାହ ଶୁଦ୍ଧିକ୍ରିୟା ବେଳେ ଲୁଣା ନଦୀରେ ଭାସିଗଲେ ୩ ଭଉଣୀ। ପାଣିରେ ବୁଡ଼ି ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇଜଣ ସୁରକ୍ଷିତ ଉଦ୍ଧାର ହୋଇଛନ୍ତି। କଟକ ନିଶ୍ଚିନ୍ତକୋଇଲି ଥାନା ସାଧକନଗର ଗାଁରେ ଘଟିଛି ଏହି ଦୁଃଖଦ ଘଟଣା। ମୃତକ ନାବାଳିକା ଜଣକ ଅଷ୍ଟମ ଶ୍ରେଣୀର ଛାତ୍ରୀ ଋତୁପର୍ଣ୍ଣା ସାହୁ। ଉଦ୍ଧାର ହୋଇଥିବା ଅନ୍ୟ ଦୁଇ ଭଉଣୀ ହେଲେ ରିଦ୍ଧି ଆଉ ସିଦ୍ଧି। ଏହି ନାବାଳିକାମାନେ ପରିବାର ସହ ସାଧକନଗର ତାଙ୍କ ଅଜା ଭୃଗୁରାମ ସାହୁଙ୍କ ଘରକୁ ଆସିଥିଲେ। ଭୃଗୁରାମଙ୍କ ବାପା ୧୧ ଦିନ ତଳେ ମୃତ୍ୟୁ ହୋଇଥିଲା।
ଏନେଇ ଭୃଗୁରାମ କହିଛନ୍ତି, ଏହି ୩ ଭଉଣୀ ସେମାନଙ୍କ ମା’ ସହ ନଦୀରେ ଗାଧୋଉଥିଲେ। ନଦୀରେ ସାମାନ୍ୟ ସ୍ରୋତ ଥିଲା। ପାଣିରେ ଖେଳୁଖେଳୁ ବଡ଼ ଭଉଣୀ ଭାସି ଯାଇଥିଲା। ତାକୁ ଉଦ୍ଧାର କରିବାକୁ ଅନ୍ୟ ଦୁଇ ସାନ ଭଉଣୀ ଚେଷ୍ଟା କରିବା ବେଳେ ଭାସି ଯାଇଥିଲେ। ସେମାନଙ୍କ ଚିତ୍କାର ଶୁଣି ପାଖରେ ଗାଧୋଉଥିବା ତାଙ୍କ ମା’ ଦୁଇ ଶିଶୁଙ୍କୁ ଉଦ୍ଧାର କରିଥିଲେ। ହେଲ ବଡ଼ ଭାସି ଯାଇଥିଲା। ନିଖୋଜ ପରେ ଖବର ପାଇ ଅଗ୍ନିଶମ ବାହିନୀ ପହଞ୍ଚି ଖୋଜାଖୋଜି କରିବା ବେଳେ ମୃତଦେହ ମିଳିଥିଲା।
ଏହି ଘଟଣାକୁ ନେଇ ସାଧକନଗର ଗାଁରେ ଶୋକାକୁଳ ପରିବେଶ ଦେଖିବାକୁ ମିଳିଛି।
Also Read
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
