OR 
ବାଲେଶ୍ୱରର ପୂର୍ବତନ ସାଂସଦ ରବୀନ୍ଦ୍ର ଜେନାଙ୍କ ଅଡୁଆ ବଢିଲା। ସିସୋର ଚିଟଫଣ୍ଡ ଠକେଇ ମାମଲାରେ ତାଙ୍କ ଲିଙ୍କ ନେଇ ଶୁଣାଣି ଜାରି ରହିବ ବୋଲି ହାଇକୋର୍ଟଙ୍କ ନିର୍ଦ୍ଦେଶ ପରେ ରବିଙ୍କ ପାଇଁ ଅଡୁଆ ବଢିଛି। ସିସୋର ଚିଟଫଣ୍ଡ ଠକେଇ ମାମଲାରେ ତାଙ୍କ ବିରୋଧରେ ସିବିଆଇର ଏତଲା ଏବଂ ଚାର୍ଜସିଟ ଉଭୟକୁ ରଦ୍ଦ କରିବାକୁ ସେ କରିଥିବା ଆବେଦନକୁ ହାଇକୋର୍ଟ ଖାରଜ କରିଛନ୍ତି।
ସିସୋର ଚିଟଫଣ୍ଡ ଠକେଇ ମାମଲାରେ ରବିଙ୍କ ସମ୍ପୃକ୍ତି ନେଇ ଅଭିଯୋଗ ପରେ ସିବିଆଇ ପକ୍ଷରୁ ତାଙ୍କ ବିରୋଧରେ ଏତଲା ଦାୟର ହୋଇଥିଲା। ମାମଲାର ତଦନ୍ତ କରି ରବିଙ୍କ ବିରୋଧରେ ସିସୋର ଠାରୁ ୧ କୋଟି ୭୫ ଲକ୍ଷ ଟଙ୍କା ବେଆଇନ କାରବାର କରିବା ଅଭିଯୋଗରେ ଚାର୍ଜସିଟ ଦାଖଲ କରିଥିଲା। ନିଜର ରାଜନୈତିକ ପ୍ରଭାବ ବିସ୍ତାର କରି ସିସୋରକୁ ଫାଇଦା ଏବଂ ସୁରକ୍ଷା ଦେବା ଉଦ୍ଦେଶ୍ୟରେ ଏହି ବେଆଇନ ଅର୍ଥ କାରବାର ହୋଇଥିବା କୋର୍ଟରେ ତଥ୍ୟ ପ୍ରମାଣ ଉପସ୍ଥାପନ କରିଥିଲେ ସିବିଆଇର ଓକିଲ ସାର୍ଥକ ନାୟକ।
Also Read
ଅନ୍ୟପଟେ ରବିଙ୍କ ପକ୍ଷରୁ ବରିଷ୍ଠ ଓକିଲ ଅମନ ଲେଖି ଯୁକ୍ତି ଦର୍ଶାଇଥିଲେ ଯେ ଏହି ଟଙ୍କା ସିସୋରରୁ ରବି ଜେନା ଋଣ ଆକାରରେ ନେଇଥିଲେ। ସେପଟେ ସମବାୟ ଆଇନ ଅନୁଯାୟୀ ପଞ୍ଜିକୃତ ହୋଇଥିବା ସିସୋର ନିଜ ମେମ୍ବରଙ୍କ ବ୍ୟତୀତ ଅନ୍ୟ କାହାକୁ ଋଣ ଦେଇ ପାରିବ ନାହିଁ ଏବଂ ଏଥି ପାଇଁ ପରିଚାଳନା କମିଟିର ଦସ୍ତାବିଜ ଜାଲ କରାଯାଇଥିବା ସିବିଆଇ ପକ୍ଷରୁ କୁହାଯାଇଥିଲା।
ଉଭୟ ପକ୍ଷରୁ ଯୁକ୍ତି ଶୁଣିବା ପରେ ହାଇକୋର୍ଟ ରବି ଜେନାଙ୍କ ଆବେଦନକୁ ଖାରଜ କରିଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
