ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପାରାଦ୍ୱୀପ(ଓଡିଶା ରିପୋର୍ଟର): ‘ପ୍ରଧାନମନ୍ତ୍ରୀ ମୋଦିଙ୍କୁ ପଚାରିବ ଯାଆ, ମହାନଦୀ କୋଉଠୁ ବାହାରିଛି ?” ଦାମବାବୁଙ୍କ ଏ କଥା ଶୁଣି ଏକାଠି ହୋଇଥିବା ସାମ୍ବାଦିକମାନେ ହସ ଚାପିରଖି ଆଉ କିଛି ପଚାରିବାକୁ ଚେଷ୍ଟା କରୁଥାନ୍ତି। ଏତିକି ବେଳେ ଦାମବାବୁ ପୁଣି କହିଲେ, ‘ହଇଓ, ତମ ଭିତରୁ କିଏ କହିବ ଟି, ମହାନଦୀ କୋଉଠୁ ବାହାରିଛି? ଏ ପ୍ରଶ୍ନ ଶୁଣି କେହି ଜଣେ ସାମ୍ବାଦିକ ବନ୍ଧୁ କହିଲେ ମହାନଦୀ ଛତିଶଗଡ଼ରୁ ବାହାରିଛି। ଉତ୍ତର ଶୁଣି କାନ ତରାଟି କ୍ଷଣ ଚାହାଣି ଦେଲେ ଦାମ ଆଉ କାଳ ବିଳମ୍ବ ନ କରି କହିଲେ “ ଛତିଶଗଡ଼ରୁ ନା ତମ ଗାଁରୁ..’!!</p> <p>ଏ ତେରଛା ଉତ୍ତର ଶୁଣି ହସର ଫୁଆରା ଛୁଟିଲା। ଦାମ ବାଣ ଭାରି ଟାଣ(ସମ୍ପ୍ରତି ସାମ୍ବାଦିକଙ୍କ ଭିତରେ ଏଇ କଥାଟି କଥା କଥାରେ ପ୍ରଚଳିତ ହେଉଛି)। ହେଲେ ଏ କଥାଟିରେ ଟାଣୁଆ ପଣ ଅପେକ୍ଷା ହାସ୍ୟରସ ଅଧିକ ଥିଲା ପରି ମନେହେଲା। ଏହାପରେ ପରେ ଦାମବାବୁ ପୁଣି ପ୍ରଶ୍ନ କଲେ ମହାନଦୀ କୋଉଠୁ ବାହାରିଛି ? ଏଥର କିନ୍ତୁ କେହି କିଛି କହିବା ଆଗରୁ ଦାମଙ୍କ ତୁଣ୍ଡରୁ ସ୍ଫୁରିଲା ଉତ୍ତର- “ ଅମର କଣ୍ଟକ ପର୍ବତମାଳାରୁ ମହାନଦୀ ବାହାରି ପାରାଦୀପଠାରେ ସମୁଦ୍ରରେ ପଡିଛି ।”</p> <p>ବାସ୍‌ ବାବୁଙ୍କ କଥା ଏତିକିରେ ସରିବା ପରେ ମଞ୍ଜ କଥାଟିଏ ପଚାରିଲେ ସାମ୍ବାଦିକ ବନ୍ଧୁ। କାଲି ମୋଦି କଟକ ଆସୁଥିବା ବେଳେ ମହାନଦୀ ପ୍ରସଙ୍ଗରେ ତାଙ୍କୁ ପ୍ରଶ୍ନ କରାଯିବ କି ନାହିଁ ପଚାରାଯିବାରୁ ସେ କାହାକୁ ଖୁସାମନ୍ତ କରିବାକୁ ଚାହାନ୍ତି ନାହିଁ ବୋଲି ରୋକଠୋକ୍‌ କହିଥିଲେ।</p> <p>ଦାମ କ’ଣ କହୁଛନ୍ତି ଶୁଣନ୍ତୁ:</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
