ପରିତ୍ୟକ୍ତ କୂଅରୁ ମିଳିଲା ମହିଳାଙ୍କ ମୃତଦେହ, ହତ୍ୟା ଅଭିଯୋଗ ଆଣିଲେ ପରିବାର ଲୋକ

ଧର୍ମଗଡ଼(ଇଙ୍ଗିତ ପଣ୍ଡା): କଳାହାଣ୍ଡି ଜିଲ୍ଲା ଜୟପାଟଣା ଥାନା ଅନ୍ତର୍ଗତ ଉଚ୍ଛୁଳା ଗାଁର ଏକ ଜଙ୍ଗଲ ଭିତରେ ଥିବା ପରିତ୍ୟକ୍ତ କୂଅ ଭିତରୁ ଆଜି ସକାଳେ ଜଣେ ମହିଳାଙ୍କ ମୃତଦେହ ଉଦ୍ଧାର କରାଯାଇଛି। ମୃତକଙ୍କ ନାଁ ନମିତା ରାଉତ। ଗତ ୫ ଦିନ ହେବ ନମିତା ନିଖୋଜ ଥିଲେ। ସେ ଉଛୁଲା ଗ୍ରାମରେ ବିବାହ କରିଥିଲେ।

ଏନେଇ ଜୟପାଟଣା ଥାନାରେ ଏକ ନିଖୋଜ ମାମଲା ଦାୟର ହୋଇଥିଲା। ଆଜି ତାଙ୍କର ମୃତଦେହ ମଳିବା ପରେ  ନମିତାଙ୍କ ବାପଘର ଲୋକେ ହତ୍ୟା ଅଭିଯୋଗ ଆଣିଛନ୍ତି। ପୋଲିସ ଓ ଦମକଳବାହିନୀ ଘଟଣାସ୍ଥଳରେ ପହଞ୍ଚି କୂଅ ଭିତରୁ ନମିତାଙ୍କ ମୃତଦେହ ବାହାର କରିଛନ୍ତି। ଏହି ଘଟଣାର ନମିତାଙ୍କ ସ୍ୱାମୀ ନାକୁଳ ରାଉତଙ୍କୁ  ପୋଲିସ ଅଟକ ରହିଛି।