ହରିଣ ଛାଲ, ଶିଙ୍ଗ ଜବତ: ୨ ଶିକାରୀ ଗିରଫ

ନୀଳଗିରି(ବିଶ୍ୱମ୍ବର ଦାସ): ବାଲେଶ୍ୱର ଜିଲ୍ଲା କୁଲଢ଼ିଆ ଅଭୟାରଣ୍ୟ ଅଧୀନ ଭାଲିଆପୋଷି ଗାଁରୁ ଏକ ହରିଣର ଛାଲ ଓ ଶିଙ୍ଗ ଜବତ କରାଯାଇଛି। ଏଥିସହ ଶିକାରୀମାନେ ବ୍ୟବହାର କରିଥିବା ବନ୍ଧୁକକୁ ମଧ୍ୟ ବନ ବିଭାଗ ଜବତ କରିଛି। ଏହି ଘଟଣାରେ ସମ୍ପୃକ୍ତ ୨ଜଣ ଶିକାରୀଙ୍କୁ ମଧ୍ୟ ଗିରଫ କରାଯାଇଛି।

ଏହି ୨ ଶିକାରୀ କିଛି ଦିନ ପୂର୍ବରୁ ମୟୂରଭଞ୍ଜରୁ ଆସି କୁଲଢ଼ିଆ ଅଭୟାରଣ୍ୟ ନିକଟରେ ଏକ ଅସ୍ଥାୟୀ ଘର କରି ରହୁଥିଲେ। ତେବେ ଏମାନେ ଶିକାର କରୁଥିବା ଅଭିଯୋଗ ହେବା ପରେ ଆଜି ସକାଳେ ବନ ବିଭାଗ ଚଢ଼ାଉ କରିଥିଲା।