ଦେବଗଡ଼: ବିପିଏଲ ପରିବାରମାନଙ୍କୁ ବିଦ୍ୟୁତ ସଂଯୋଗ ନ ଦିଆଯବା ପ୍ରତିବାଦରେ ଶୁକ୍ରବାର ଦେବଗଡ଼ ଜିଲ୍ଲାପାଳଙ୍କ କାର୍ଯ୍ୟାଳୟରେ ଧାରଣା ଦେଇଥିଲେ ବାରକୋଟ ବ୍ଲକ ଅନ୍ତର୍ଗତ ଶିବପାଲି ଓ ଚାପବାହାଳ ଗାଁର ଲୋକେ। ଡିବିରି ଓ ଲଣ୍ଠନ ଧରି ଏହି ଲୋକମାନେ ଧାରଣରେ ବସିଥିଲେ। ପରେ ଜିଲ୍ଲାପାଳ ସମସ୍ୟାର ସମାଧାନ ପାଇଁ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେବା ପରେ ଲୋକ ଧାରଣରୁ ଉଠିଥିଲେ।
ଏହି ଦୁଇ ଗାଁରେ ବିଦ୍ୟୁତ ଖୁଣ୍ଟ ପୋତା ଯାଇଛି ଓ ତାର ବି ଟଣା ଯାଇଛି। ହେଲେ ସରକାରୀ ଯୋଜନା ଅନୁଯାୟୀ ହିତାଧିକାରୀ ମାନଙ୍କୁ ବିଦ୍ୟୁତ ସଂଯୋଗ ଦିଆଯାଇନାହିଁ । ଏବେ ଖରା ବଢ଼ିଥିବା ଯୋଗୁଁ ଲୋକ ଅସହ୍ୟ ଗୁଳୁଗୁଳିରେ ହନ୍ତସନ୍ତ ହେଉଛନ୍ତି।