‘ଅନଲାଇନ୍ରେ ଅଧିକ ଉପାର୍ଜନ କରି ମାଲେମାଲ ହେବାକୁ ଚାହୁଁଛ । ଘରେ ବସି ମାସକୁ ୫ ହଜାରରୁ ଲକ୍ଷେ ଟଙ୍କା ପର୍ଯ୍ୟନ୍ତ ରୋଜଗାର କରିପାରିବ । ଏଥିନିମନ୍ତେ ଆମ ସହ ଯୋଗାଯୋଗ କର, ଆମେ ତୁମକୁ କହିଦେବୁ ବାଟ।’ ଏପରି ପ୍ରଲୋଭନ ଦେଖାଇ ସାଧାରଣ ଲୋକଙ୍କୁ ପ୍ରବର୍ତ୍ତାଉଥିବା ୬ ଯୁବକଙ୍କୁ ବାନ୍ଧିଛି ପୁଲିସ୍। ଏପରି ଏକ ଘଟଣା ଦେବଗଡ ଜିଲ୍ଲାର ଲାଲୁସାହିରେ ଘଟିଛି।
ଦେବଗଡ ପୌରାଞ୍ଚଳର ଲାଲୁସାହିସ୍ଥିତ ଏକ ଭଡାଘରେ ୬ ଯୁବକ ଏକ କାର୍ଯ୍ୟାଳୟ ଖୋଲି ଯୁବ ଗୋଷ୍ଠୀଙ୍କୁ ଅଧିକ ଅର୍ଥ ଉପାର୍ଜନର ଲୋଭ ଦେଖାଉଥିଲେ। ଏପରିକି ସେମାନଙ୍କୁ ନିଜ ଜାଲରେ ଫସାଇ ବେଆଇନ ଅନଲାଇନ ଜୁଆ ଓ ସଟ୍ଟା ଖେଳ ଚଳାଉଥିଲେ । ଏହି ଯୁବକମାନେ ପ୍ରାୟ ଦେଢ ମାସ ହେଲା ଏହି ସଂସ୍ଥା ଖୋଲିଥିବା ବେଳେ ଧୀରେ ଧୀରେ ନିଜ କାମ ଆରମ୍ଭ କରୁଥିଲେ ।
ହେଲେ ସେମାନେ ସାଧାରଣ ଲୋକଙ୍କୁ ପ୍ରବର୍ତ୍ତାଇ ଠକିବା ପୂର୍ବରୁ ସେମାନଙ୍କ କାର୍ଯ୍ୟାଳୟ ଉପରେ ଅତର୍କିତ ଚଢ଼ାଉ କରିଥିଲା ପୁଲିସ୍ । ଚଢ଼ାଉ ସମୟରେ ଉକ୍ତ କାର୍ଯ୍ୟାଳୟରେ ଉପସ୍ଥିତ ଥିବା ୬ ଜଣଙ୍କୁ ଗିରଫ କରିବାରେ ସଫଳ ହୋଇଥିଲା ପୁଲିସ୍। ଏଥିସହ ସେମାନଙ୍କ ନିକଟରୁ ୧୨ ଗୋଟି ମୋବାଇଲ ସ୍ମାର୍ଟ ଫୋନ, ୨୧ ଗୋଟି ସିମ୍ କାର୍ଡ , ୮ ଗୋଟି ଏଟିଏମ କାର୍ଡ , ୩ଗୋଟି ବ୍ୟାଙ୍କ ପାସବୁକ, ୧୦ଟି ଆକାଉଣ୍ଟ ନୋଟବୁକ୍, ନଗଦ ୫ ହଜାର ୨ଶହ ଟଙ୍କା ଓ ୨ଟି ବାଇକ୍ ଜବତ କରିଥିବା ଜଣାଯାଇଛି।
Also Read
ପୁଲିସ୍ ଏହି ଘଟଣାର ତଦନ୍ତ ଆରମ୍ଭ କରିଥିବା ବେଳେ ଏଥିରେ ଆଉ କିଏ କିଏ ସମ୍ପୃକ୍ତ ଅଛନ୍ତି ତାହାର ତଦନ୍ତ ଚଳାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
