୮୭ କରୋନା ଆକ୍ରାନ୍ତ ଚିହ୍ନଟ, ପୂରା ଗାଁ ୧୦ ଦିନ ସିଲ୍

କାମାକ୍ଷାନଗର (ବିଦ୍ୟାଧର ବରାଳ): ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକରେ କରୋନା ସଂକ୍ରମଣ ସଂଖ୍ୟା ଦିନକୁ ଦିନ ବଢିବାରେ ଲାଗିଛି। ସଂକ୍ରମଣ ଏବେ ଜୟପୁରାକାଟେଣୀ ପଞ୍ଚାୟତରେ ବ୍ୟାପିଛି। ପଞ୍ଚାୟତରେ ୮୭ ଜଣ କରୋନା କରୋନା ରୋଗୀ ଚିହ୍ନଟ ପରେ ପ୍ରଶାସନ ପକ୍ଷରୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ୧୦ ଦିନ ପାଇଁ ଜୟପୁରାକାଟେଣୀ ପଞ୍ଚାୟତକୁ ମାଇକ୍ରୋ କଣ୍ଟେନମେଣ୍ଟ ଜୋନ୍ ଭାବରେ ଘୋଷଣା କରାଯାଇଛି। ପଞ୍ଚାୟତରେ ଥିବା ଜୟପୁରାକାଟେଣୀ ଗାଁରୁ ୮୨ ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ […]

containment-zone

containment-zone

Ranjit Kumar Jena
  • Published: Friday, 28 May 2021
  • Updated: 28 May 2021, 08:24 PM IST

Sports

Latest News

କାମାକ୍ଷାନଗର (ବିଦ୍ୟାଧର ବରାଳ): ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକରେ କରୋନା ସଂକ୍ରମଣ ସଂଖ୍ୟା ଦିନକୁ ଦିନ ବଢିବାରେ ଲାଗିଛି। ସଂକ୍ରମଣ ଏବେ ଜୟପୁରାକାଟେଣୀ ପଞ୍ଚାୟତରେ ବ୍ୟାପିଛି। ପଞ୍ଚାୟତରେ ୮୭ ଜଣ କରୋନା କରୋନା ରୋଗୀ ଚିହ୍ନଟ ପରେ ପ୍ରଶାସନ ପକ୍ଷରୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ୧୦ ଦିନ ପାଇଁ ଜୟପୁରାକାଟେଣୀ ପଞ୍ଚାୟତକୁ ମାଇକ୍ରୋ କଣ୍ଟେନମେଣ୍ଟ ଜୋନ୍ ଭାବରେ ଘୋଷଣା କରାଯାଇଛି।

ପଞ୍ଚାୟତରେ ଥିବା ଜୟପୁରାକାଟେଣୀ ଗାଁରୁ ୮୨ ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ଶୁଣ୍ଢିକାଟେଣୀ ଗାଁରୁ ୪ ଜଣ ଏବଂ ପଦ୍ମପୋଖରୀ ଗାଁରୁ ଜଣେ କରୋନା ରୋଗୀ ଚିହ୍ନଟ ହୋଇଛନ୍ତି। ଜୟପୁରାକାଟେଣୀ ପଞ୍ଚାୟତକୁ ଉପଜିଲ୍ଲାପାଳ ବିଷ୍ଣୁପ୍ରସାଦ ଆଚାର୍ଯ୍ୟ, ପରଜଙ୍ଗ ବିଡିଓ ବସନ୍ତ କୁମାର ମଲ୍ଲିକ, ତହସିଲଦାର ଜୟନ୍ତ କୁମାର ଜୟସିଂହ, ସିଡିପିଓ ମମତାମଞ୍ଜରୀ ଦେଓ ଯାଇ ଲୋକଙ୍କୁ ସଚେତନତା କରିବା ସହ ପଞ୍ଚାୟତର ଜନ ପ୍ରତିନିଧି, ଆଶା ଓ ଅଙ୍ଗନୱାଡି କର୍ମୀମାନଙ୍କୁ ଏହାର ସୁପରିଚାଳନା ସମ୍ପର୍କରେ ବୁଝାସୁଝା କରିଥିଲେ।

ଆଗାମୀ ୧୦ ଦିନ ପର୍ଯ୍ୟନ୍ତ କେହି ବିନା କାରଣରେ ଘରୁ ନବାହାରିବା ପାଇଁ ଉପଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି। କରୋନା ମୁକାବିଲା ପାଇଁ ସମସ୍ତଙ୍କ ସହଯୋଗ ଲୋଡ଼ା ଥିବା ସେ କହିଛନ୍ତି।

ସୂଚନାଯୋଗ୍ୟ, ରାଜ୍ୟରେ ଗତ ୨୪ ଘଣ୍ଟାରେ ୭୨୧୬ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୪୦୪୧ କ୍ୱାରେଣ୍ଟାଇନ୍‌ରେ ଥିଲେ। ବାକି ୩୧୭୫ଟି ହେଉଛି ଲୋକାଲ୍ କେସ୍‌। ସେହିପରି ଢେଙ୍କାନାଳରୁ ୪୨୮ ଜଣେ କରୋନା ପଜିଟିଭ୍ ଚିହ୍ନଟ ହୋଇଛନ୍ତି ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos