OR 
ଧନୁତୀର ସହ ଖେଳୁଥିଲେ ପିଲା। ଅସାବଧାନତା ଯୋଗୁ ତୀର ସିଧା ଯାଇ ଜଣେ ଯୁବକଙ୍କ ତଳିପେଟରେ ବାଜିଥିଲା। ଘଟଣା ଘଟିଛି ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଜାମୁନାଳୀ ଗାଁରେ। ତୀର ମାଡ଼ରେ ଗୁରୁତର ହୋଇଥିବା ଯୁବକ ହେଲେ ଲୋକନାଥ ପିଙ୍ଗୁଆ।
Also Read
ଲୋକନାଥ ଶୌଚ ସାରି ଗାଁ ନିକଟ ଜୋରରୁ ଘରକୁ ଫେରୁଥିଲେ। ଠିକ୍ ସେହି ସମୟରେ ଗାଁର କିଛି ପିଲା ଧନୁ ତୀର ଧରି ଖେଳୁଥିଲେ। ଅସାବଧାନତା ଯୋଗୁ ପିଲାଙ୍କ ଧନୁରୁ ତୀର ଯାଇ ଲୋକନାଥଙ୍କ ତଳି ପେଟରେ ବାଜିଥିଲା। ସ୍ଥାନୀୟ ଲୋକେ ଶରୀରରେ ତୀର ଲାଗିଥିବା ଅବସ୍ଥାରେ ଲୋକନାଥଙ୍କୁ କାମାକ୍ଷାନଗର ଉପଖଣ୍ଡ ମେଡ଼ିକାଲ୍ରେ ଭର୍ତ୍ତି କରିଥିଲେ।
ପେଟଭିତରେ ତୀର ପଶି ଯାଇଥିବାରୁ ଲୋକନାଥଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ଥିଲେ। ମେଡ଼ିକାଲ୍ ଚେକ୍ଅପ୍ ପରେ ତାଙ୍କୁ କଟକ ବଡ଼ ମେଡ଼ିକାଲ୍କୁ ସ୍ଥାନାନ୍ତରିତ କରାଯାଇଥିଲା। ଏବେ ତାଙ୍କ ସ୍ୱାସ୍ଥ୍ୟ ଅବସ୍ଥା ସଙ୍କଟାପନ୍ନ ରହିଛି।
ରିପୋର୍ଟ- କାମାକ୍ଷାନଗରରୁ ବିଦ୍ୟାଧର ବରାଳ
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
