ଯାଜପୁର(ଓଡ଼ିଶା ରିପୋର୍ଟର): ସୁକିନ୍ଦା ରିଜିଅନ୍ କ୍ରୋମାଇଟ୍ ଖଣିରେ ଅଚଳାବସ୍ଥା ସୃଷ୍ଟି ହୋଇଛି। ଶ୍ରମିକ ସଂଘ ସଭାପତି ଓ ଇମ୍ଫା କର୍ତ୍ତୃପକ୍ଷ ମଧ୍ୟରେ ଚାଲିଥିବା ଆଲୋଚନା ମଧ୍ୟ ବିଫଳ ହୋଇଛି।
ଆଜି ଯାଜପୁରରୋଡରେ ସୁକିନ୍ଦା ରିଜିଅନ୍ କ୍ରୋମାଇଟ ଖାଦାନ ମଜଦୁର ସଂଘ ସଭାପତି ପ୍ରୀତିରଞ୍ଜନ ଘଡାଇ ଏବଂ ଇମ୍ଫା କର୍ତ୍ତୃପକ୍ଷଙ୍କ ମଧ୍ୟରେ ଆଲୋଚନା ହୋଇଥିଲା । ସଭାପତି ପ୍ରୀତିରଞ୍ଜନ କର୍ତ୍ତୃପକ୍ଷଙ୍କ ନିକଟରେ ଶ୍ରମିକଙ୍କ ସୁରକ୍ଷାକୁ ପ୍ରାଧାନ୍ୟ ଦେବା ସହ ବିଭିନ୍ନ ଦାବି ରଖିଥିଲେ । ଇମ୍ଫା କର୍ତ୍ତୃପକ୍ଷ ଏ ନେଇ ଉଚ୍ଚ କର୍ତ୍ତୃପକ୍ଷଙ୍କୁ ଜଣାଇବା ପରେ ରବିବାର ସାନି ଆଲୋଚନା ହେବ ବୋଲି ପ୍ରୀତିରଞ୍ଜନ ସୂଚନା ଦେଇଛନ୍ତି ।
ଅପରପକ୍ଷରେ ଇମ୍ଫା ମାଇନ୍ସର ଭାଇସ୍ ପ୍ରେସିଡେଣ୍ଟ ସୁଧାଂଶୁ ପଟନୀ କହିଛନ୍ତି, ୬ ଦିନ ଧରି ଆନ୍ଦୋଳନ ଚାଲିଥିବା ବେଳେ ଆଜି ଶ୍ରମିକ ସଂଘ ସଭାପତିଙ୍କ ସହ ବହୁତ କମ୍ ସମୟ ଧରି ଆଲୋଚନା ହୋଇଥିଲା। ସଂଘ ପକ୍ଷରୁ କୁହାଯାଇଛି ଯେ, ଆହତ ଶ୍ରମିକ ସୁସ୍ଥ ହୋଇ ନ ଆସିବା ପର୍ଯ୍ୟନ୍ତ ଶ୍ରମିକମାନେ କାମରେ ଯୋଗ ଦେବେ ନାହିଁ । ଯାହା ପୂର୍ବରୁ ଶୁଣାଯାଇ ନ ଥିଲା।
ସୂଚନାଯୋଗ୍ୟ, ଗତ ୨ ତାରିଖରୁ ଇମ୍ଫାର ସୁକିନ୍ଦା ଓ ମହାଗିରି ଖଣିର ଶ୍ରମିକମାନେ ବିଭିନ୍ନ ଦାବି ନେଇ ଆନ୍ଦୋଳନ ଚଳାଇଛନ୍ତି । ଗୋଟିଏ ଖଣିରେ ଦୁର୍ଘଟଣା ଘଟିଥିଲେ ମଧ୍ୟ ଦୁଇଟିଯାକ ଖଣି କାମ ବନ୍ଦ ରହିଛି। ଫଳରେ ୧୬ ଶହ ଶ୍ରମିକଙ୍କ ଜୀବନଜୀବିକା ପ୍ରଭାବିତ ହୋଇଛି । ଏଥିରେ ଜିଲ୍ଲା ପ୍ରଶାସନ କିମ୍ବା ଖଣି ଅଧିକାରୀ କେହି ହସ୍ତକ୍ଷେପ ନ କରି ଚୁପ୍ ବସି ରହିଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
