“ଓଡ଼ିଶାରେ ଚାଲିଛି ତାମିଲ୍‌ ଶାସନ”

ଯାଜପୁରରେ ରାମକୋ ସିମେଣ୍ଟ କାରଖାନା କଥା ଉଠାଇ ଆଜି ସରକାରଙ୍କ ଉପରେ ପୁଣି ଏକ ବୋମା ପକାଇଛନ୍ତି ଏହି ବରିଷ୍ଠ ବିଜେଡି ନେତା। ଅଭିଯୋଗ କରିଛନ୍ତି, ପ୍ରଶାସନର ଅଗୋଚରେ ଯାଜପୁରରେ ଗୋଚର ଓ ଦେବୋତ୍ତର ବିଭାଗର ଜମିରେ ଚାଲିଥିବା ରାମକୋ କମ୍ପାନୀ ବେଆଇନ କାମ କରୁଥିଲେ ମଧ୍ୟ ସରକାର ଏଥିପ୍ରତି ଆଖି ବୁଜି ଦେଇଛନ୍ତି।

ଭୁବନେଶ୍ୱର (ଓଡ଼ିଶା ରିପୋର୍ଟର): ଓଡ଼ିଶାରେ ଚାଲିଛି ତାମିଲ ଶାସନ। ଯାଜପୁରରେ ରାମ୍‌କୋ ସିମେଣ୍ଟ କାରଖାନାର ତାମିଲ୍ ଲିଙ୍କ ଓ ତଥାକଥିତ ‘ଗଡଫାଦର’ଙ୍କ ଭୂମିକା କଥା ଉଠାଇ ଆଜି ସରକାରଙ୍କୁ ପୁଣି ହରଡ଼ ଘଣାରେ ପକାଇଛନ୍ତି ବରିଷ୍ଠ ବିଜେଡି ନେତା ତଥା ପୂର୍ବତନ ମନ୍ତ୍ରୀ ଡା. ଦାମୋଦର ରାଉତ। କେବଳ ଏତିକି ନୁହେଁ, ସ୍ୱାସ୍ଥ୍ୟ ବିଭାଗର ପଳାତକ ଡାକ୍ତର ଓ ଦୁର୍ବଳ ଭିତ୍ତିଭୁମି କଥା ସେ ଉଠାଇଛନ୍ତି।

ସେ କହିଛନ୍ତି-“ଓଡ଼ିଶାରେ ଚାଲିଛି ତାମିଲ ଉପନିବେଶ। ମୁଖ୍ୟମନ୍ତ୍ରୀ ଯାହା କରୁଛନ୍ତି ତାକୁ ଅମଲା ଓ ଆଉ କେତେଜଣ ଭଣ୍ଡୁର କରୁଛନ୍ତି। ଠିକ୍‌ ସେତିକି ବେଳେ ଅମଲାମାନଙ୍କୁ ବାଟକୁ ଆଣିବା ପାଇଁ ଯେଉଁମାନେ ଅଛନ୍ତି, ସେମାନେ ଲାଙ୍ଗୁଡ଼ ଜାକୁଛନ୍ତି। ଓଡ଼ିଆ ଆଇଏଏସ୍‌ଙ୍କର ସ୍ୱାଭିମାନ ନାହିଁ। ସେମାନେ କାହା ପାଖରେ ମୁଣ୍ଡ ଗଡ଼ାଉଛନ୍ତି? ସେମାନଙ୍କର ଓଡ଼ିଶା ସ୍ୱାର୍ଥ ପ୍ରତି ଟିକେ ହେଲେ ଦରଦ ନାହିଁ। ଏକଥା ସବୁ ଜାଣିଛନ୍ତି। ହେଲେ କେହି ମୁହଁ ଖୋଲୁ ନାହାନ୍ତି। ଆଉ ମୋ ତୁଣ୍ଡରୁ ବାହାରିବା ପରେ ନାଟକ କରିବେ। ଆଉ ଗଡ଼ ଫାଦର କିଏ ଜାଣି ନାହାନ୍ତି ବୋଲି କହିବେ।”

ଯାଜପୁରରେ ରାମକୋ ସିମେଣ୍ଟ କାରଖାନା କଥା ଉଠାଇ ଆଜି ସରକାରଙ୍କ ଉପରେ ପୁଣି ଏକ ବୋମା ପକାଇଛନ୍ତି ଏହି ବରିଷ୍ଠ ବିଜେଡି ନେତା। ଅଭିଯୋଗ କରିଛନ୍ତି, ପ୍ରଶାସନର ଅଗୋଚରେ ଯାଜପୁରରେ ଗୋଚର ଓ ଦେବୋତ୍ତର ବିଭାଗର ଜମିରେ ଚାଲିଥିବା ରାମକୋ କମ୍ପାନୀ ବେଆଇନ କାମ କରୁଥିଲେ ମଧ୍ୟ ସରକାର ଏଥିପ୍ରତି ଆଖି ବୁଜି ଦେଇଛନ୍ତି।

ସ୍ୱାସ୍ଥ୍ୟ ବିଭାଗକୁ ଟାର୍ଗେଟ 

କେବେଳ ସେତିକି ନୁହେଁ, ସ୍ୱାସ୍ଥ୍ୟ ମନ୍ତ୍ରୀ ଥିବା ବେଳେ ହୋଇଥିବା ନିଷ୍ପତ୍ତି କଥା ଉଠାଇ ପଳାତକ ୧୨୦୦ ଡାକ୍ତରଙ୍କ ଉପରେ କାର୍ଯ୍ୟାନୁଷ୍ଠାନ କାହିଁକି ହୋଇନି ବୋଲି ପ୍ରଶ୍ନ କରି ସରକାରଙ୍କୁ କାଠଗଡାରେ ଠିଆ କରାଇଛନ୍ତି ଡାକ୍ତର ଡାକ୍ତର ରାଉତ।

ଭିତ୍ତିଭୂମି ବିକାଶ ପାଇଁ ତାଙ୍କ ସମୟରେ ଆରମ୍ଭ ହୋଇଥିବା ୩ ହଜାର କୋଟିର ଯୋଜନା କୁଆଡ଼େ ଗଲା ଓ ମୋତିଲାଲ୍‌ ଗୌଡ଼ଙ୍କ ଲିଙ୍କରେ ନୟାଗଡରେ ନାଲ୍‌କୋ ପାଖରୁ ୬୦ ଲକ୍ଷ ଟଙ୍କା ନେଇ କିଏ ଲାବରୋଟାରୀ କରିଥିଲା ବୋଲି ପ୍ରଶ୍ନ କରି ଏଥିରେ ସମ୍ପୃକ୍ତ ବିଜେଡି ନେତାଙ୍କୁ ଘାଇଲା କରିଛନ୍ତି।

ଆହୁରି ପଢ଼ନ୍ତୁ

ମନ୍ତ୍ରୀଙ୍କ ପୁଅକୁ ଇଡକୋ ଦେଲା ୮ ଏକର ଜମି

ଆସନ୍ତାକାଲି ସ୍ଥଳଭାଗ ଛୁଇଁବ ଅବପାତ

ମାଟ୍ରିକ ସପ୍ଲିମେଣ୍ଟାରୀ ରେଜଲ୍ଟ ପ୍ରକାଶିତ, ଖାଲି ପଡ଼ିଲା A1 ଗ୍ରେଡ୍

ବାତ୍ୟାରେ ପରିଣତ ହେବନି ଅବପାତ- IMD ଡିଜି

ଦିନ ସାଢ଼େ ୧୧ଟା ପର୍ଯ୍ୟନ୍ତ ଟ୍ୱିନ ସିଟିରେ ଘଡ଼ଘଡ଼ି ସହ ବର୍ଷା

ବିଜୁଳି ଦର ବୃଦ୍ଧିର ପ୍ରତିବାଦ; ଆଜି ୧୫ ମିନିଟ୍‌ ପାଇଁ ଲାଇଟ୍‌ ବନ୍ଦ ଆହ୍ୱାନ

କଙ୍ଗନା ଓ ତାଙ୍କ ଉଭଣୀଙ୍କୁ ଜେରା କରିବ ପୁଲିସ୍‌, ପଠାଇଲା ସମନ

ଏନଡିଏକୁ ଅଲବିଦା କହିଲେ, ମମତାଙ୍କ ସହ ହାତ ମିଳାଇଲେ ଫେରାର ବିମଳ ଗୁରୁଙ୍ଗ

କେନ୍ଦ୍ର କର୍ମଚାରୀଙ୍କ ପାଇଁ ବୋନସ ଘୋଷଣା କଲେ ମୋଦି ସରକାର

କରୋନା ଟିକାର ପରୀକ୍ଷା ପାଇଁ ଜାଣିଶୁଣି ଲୋକଙ୍କୁ ସଂକ୍ରମିତ କରିବ ଏହି ଦେଶ

ଦୁଃଖ ଦେଉଛି ଗାଟେଣୀ ନଦୀ; ବର୍ଷା ବଢ଼ିଲେ ବଢ଼ୁଛି ଚିନ୍ତା

ଭାରତ ଗସ୍ତରେ ଆସିବେ ଟ୍ରମ୍ପଙ୍କ ଦୁଇ ପ୍ରମୁଖ ମନ୍ତ୍ରୀ