ମନ ମୋହୁଛନ୍ତି ଜୀବନ୍ତ ଦୁର୍ଗା

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଆଜି ଦୁର୍ଗତିନାଶିନୀ ମା&rsquo; ଦୁର୍ଗାଙ୍କ ନବମୀ ପୂଜା। ଏଥିପାଇଁ ହୁମଯଜ୍ଞ ଓ ଚଣ୍ଡୀପାଠରେ ପ୍ରକମ୍ପିତ ହେଉଛି ସମଗ୍ର ପରିବେଶ। ଶହଶହ ଶ୍ରଦ୍ଧାଳୁ ମଣ୍ଡପକୁ ଆସି ମାଆଙ୍କ ଦର୍ଶନ କରୁଛି। କିନ୍ତୁ ଏ ଦୁନିଆରେ ଏମିତି କିଛି ସ୍ଥାନ ରହିଛି ଯେଉଁଠି ଦୁର୍ଗା, ମହିଷାସୁର, ସରସ୍ୱତୀ, ଲକ୍ଷ୍ମୀ, ଗଣେଶ, ଆମ୍ୱା, ସନ୍ତୋଷୀ ମା&rsquo;, କାଳୀ, କାର୍ତ୍ତିକ ଆଦି ଦେବାଦେବୀ ବେଶଧାରୀ ଲୋକଙ୍କ ମନ ମୋହୁଛନ୍ତି। ଏମିତି ଦୃଶ୍ୟ ଦେଖିବାକୁ ମିଳିବ ରାଜଧାନୀ ଭୁବନେଶ୍ୱରର ଓଲ୍ଡ ଟାଉନ୍&zwnj; ପୂଜା ମଣ୍ଡପରେ। ଏଠାରେ ଈଶ୍ୱରୀୟ ବ୍ରହ୍ମକୁମାରୀ ବିଶ୍ୱବିଦ୍ୟାଳୟ ପକ୍ଷରୁ ଆୟୋଜିତ ହୋଇଥିଲା ଏହି ସ୍ୱତନ୍ତ୍ର କାର୍ଯ୍ୟକ୍ରମ। ଦେବଦେବୀଙ୍କ ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଇଥିଲେ ବ୍ରହ୍ମକୁମାର ଓ କୁମାରୀମାନେ।</p> <p>ଦୁର୍ଗା ବେଶଧାରୀ ବ୍ରହ୍ମକୁମାରୀ କହିଛନ୍ତି-&ldquo;ମାଆଙ୍କ ବେଶରେ ଛିଡ଼ା ହେବା ସମ୍ଭବ ନୁହେଁ। ରାଜଯୋଗ ଯୋଗୁଁ ଏହା ସମ୍ଭବ ହୋଇଛି। ମୁଁ ଦୀର୍ଘ ୧୦ ବର୍ଷ ଧରି ରାଜଯୋଗ କରୁଥିବାରୁ ଆଜି ଦୁର୍ଗା ଭୂମିକାରେ ଅଭିନୟ କରିପାରିଛି। ରାଜଯୋଗ କଲାବେଳେ ପରମାତ୍ମାଙ୍କଠାରୁ ଶକ୍ତି ନିଏ।&rdquo;</p> <p>ମହିଷାସୁର ବେଶଧାରୀ ବ୍ରହ୍ମକୁମାର କହିଛନ୍ତି-&ldquo;ମୁଁ ୨୦ ବର୍ଷ ହେଲା ରାଜଯୋଗ ଶିକ୍ଷା ଗ୍ରହଣ କରୁଛି। ରାଜଯୋଗ କଲେ ମାନସିକ ଶାନ୍ତି ମିଳିଥାଏ। ଯଦି ପ୍ରତ୍ୟକ ବ୍ୟକ୍ତି ରାଜଯୋଗ କରନ୍ତି, ତାହାହେଲେ ଦେଶର ପରିବର୍ତ୍ତନ ହୋଇପାରିବ।&rdquo;</p> <p>[vc_video link=&quot;&quot; align=&quot;center&quot;]</p>