ଦୁର୍ଗମ ଅଞ୍ଚଳର ଡାକ୍ତର ପାଇବେ ଦୁଇ ଗୁଣା ଦରମା

ଭୁବନେଶ୍ୱର: ଦୁର୍ଗମ ଅଞ୍ଚଳରେ କାର୍ଯ୍ୟରତ ଡାକ୍ତରଙ୍କ ଦରମା ଦୁଇଗୁଣା ହେବ। ରାଜ୍ୟର ଦୁର୍ଗମ ଓ ଅତି ଦୁର୍ଗମ ଅଞ୍ଚଳରେ କାମ କରୁଥିବା ଡାକ୍ତରଙ୍କୁ ଡବଲ୍ ଦରମା ପ୍ରଦାନ ପ୍ରସ୍ତାବରେ କ୍ୟାବିନେଟ ଆଜି ମାରିଛି ମୋହର। କେବିକେ ସହିତ ଗ୍ରାମାଞ୍ଚଳର ଦୁର୍ଗମ ଅଞ୍ଚଳକୁ ଭି-ଜିରୋରୁ ଭି-ଫୋର ଅଞ୍ଚଳ ଭାବେ ଚିହ୍ନଟ କରାଯାଇଛି। ଏସବୁ ଅଞ୍ଚଳର ହସପିଟାଲଗୁଡ଼ିକୁ ମଧ୍ୟ ଲେଭଲ-୧ ରୁ ଲେଭଲ-୪ ଭାବେ ଚିହ୍ନଟ କରାଯାଇଛି। ଏହି ହିସାବରେ ଚିହ୍ନଟ ଦୁର୍ଗମ ଅଞ୍ଚଳରେ କାମ କଲେ ପ୍ରୋତ୍ସାହନ ରାଶି ଦୁଇ ଗୁଣା ଦିଆଯିବ। ରାଜ୍ୟ ସରକାର ଏ ବାବଦକୁ ନିଜ ପାଣ୍ଠିରୁ ବାର୍ଷିକ ପ୍ରାୟ ୪୦ କୋଟି ଟଙ୍କା ଖର୍ଚ୍ଚ କରିବେ।