ଭୁବନେଶ୍ୱର (ଓଡ଼ିଶା ରିପୋର୍ଟର): ବାତ୍ୟା ‘ଅମ୍ଫାନ୍’ ଦ୍ୱାରା ପ୍ରଭାବିତ ହେବାକୁ ଥିବା ଅଞ୍ଚଳସବୁରେ ଓଡ଼ିଶାରେ ସ୍ଥାନାନ୍ତର ପ୍ରକ୍ରିୟା ମଧ୍ୟ ଆରମ୍ଭ ହୋଇସାରିଛି। ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ ଜେନାଙ୍କ ସୂଚନା ଅନୁଯାୟୀ ଏଯାଏ ଲକ୍ଷେ ୬ ହଜାର ୪୭୬ ଲୋକଙ୍କୁ ସ୍ଥାନାନ୍ତର କରାଯାଇସାରିଲାଣି। ମଙ୍ଗଳବାର ରାତି ୧୧ଟା ସୁଦ୍ଧା ଏହି ତଥ୍ୟ ଦିଆଯାଇଛି।
ବାଲେଶ୍ୱର ଜିଲ୍ଲାରେ ୧୯,୧୦୦, ଭଦ୍ରକରେ ୨୦୧୭୦, କଟକରେ ୩୯୩୮, ଗଜପତିରେ ୧୪୯୫, ଜଗତସିଂହପୁରରେ ୯୦୭୬, ଯାଜପୁର ୭୧୪୦, କେନ୍ଦ୍ରାପଡ଼ାରେ ୩୦୯୭୦, କେଉଁଝରରେ ୩୦, ଖୋର୍ଦ୍ଧାରେ ୧୩୮୫, ମୟୂରଭଞ୍ଜରେ ୫୨୦୦, ଏବଂ ପୁରୀରେ ୭୯୭୨ ଜଣଙ୍କୁ ସ୍ଥାନାନ୍ତର କରାଗଲାଣି। ମୋଟ ୧୬୨୦ ଆଶ୍ରୟସ୍ଥଳୀରେ ଏମାନଙ୍କୁ ରଖାଯାଇଛି।
ଶେଷ ଖବର ସୁଦ୍ଧା ଅମ୍ଫାନ୍ ପାରାଦୀପଠାରୁ ୨୫୦ କିଲୋମିଟର ଦୂରରେ ରହିଛି। ଅନ୍ୟପକ୍ଷରେ ଦୀଘାଠାରୁ ଏହି ବାତ୍ୟା ୩୯୦ କିଲୋମିଟର ଦୂରରେ ରହିଛି। ସମୁଦ୍ର ଭିତରେ ଏହି ବାତ୍ୟାର ବେଗ ଘଣ୍ଟା ପ୍ରତି ୨୦ କିଲୋମିଟର ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
