ରାଜ୍ୟ ନଚାହିଁଲେ ବି ‘ପିଏମ୍‌ କିଷାନ’ରେ ସାମିଲ ହୋଇପାରିବେ ଚାଷୀ

ଚାଷୀମାନେ ନିଜର ତଥ୍ୟା ପିଏମ୍‌ କିଷାନ୍‌ ୱେବସାଇଟ୍‌ରେ ଅପଲୋଡ୍‌ କରି ପାରିବେ

ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟ ସରକାର ଚାଷୀଙ୍କ ପ୍ରକୃତ ତଥ୍ୟ କେନ୍ଦ୍ରକୁ ନଦେଲେ ମଧ୍ୟ ପିଏମ୍‌ କିଷାନ ଯୋଜନାରେ ସିଧାସଳଖ ସାମିଲ ହୋଇପାରିବେ ଚାଷୀ ଓଡ଼ିଶା ଓ ପଶ୍ଚିମବଙ୍ଗ ସରକାରଙ୍କ ପିଏମ୍‌ କିଷା ଯୋଜନାରେ ଅସହଯୋଗକୁ ଦେଖି ଏଭଳି ବାଟ ବାହାର କରିଛନ୍ତି କେନ୍ଦ୍ର ସରକାର ଏଥିପାଇଁ ପିଏମ୍ କିଷାନ’ ୱେବସାଟକୁ ଯାଇ ନିଜ ସଂପର୍କିତ ତଥ୍ୟ ଅପ୍‌ଲୋଡ୍‌ କରିବେ ଚାଷୀ  

ସମ୍ବଲପୁର ଦଣ୍ଡେଇପାଲି ଗାଁର ରାମ ସାଗର ସାହୁ। ସେ ଜଣେ ଚାଷୀ ହୋଇଥିଲେ ମଧ୍ୟ ପାଇ ନାହାନ୍ତି ପିଏମ୍ କିଷାନ୍ ଟଙ୍କା ଠିକ୍ ସେମିତି ବାଲେଶ୍ୱର ନିଧିପଣ୍ଡା ଗାଁର ଅନ୍ୟ ଜଣେ ଚାଷୀ ହେଉଛନ୍ତି ଆଦିକନ୍ଦ ପାକଳ ରାଜ୍ୟ ସରକାରଙ୍କ କାଳିଆ’ ଯୋଜନାରେ ସହାୟତା ପାଇଛନ୍ତି ହେଲେ କେନ୍ଦ୍ର ସରକାରଙ୍କ ପିଏମ୍ କିଷାନ ଯୋଜନାରୁ ବଞ୍ଚିତ ଅଛନ୍ତି ରାଜ୍ୟରେ ଏମିତି ଲକ୍ଷ ଲକ୍ଷ ଚାଷୀ ଯେଉଁମାନେ ପିଏମ୍‌ କିଷାନ୍‌’ ଯୋଜନାରୁ ସହାୟତା ପାଉନାହାନ୍ତି କାରଣ ରାଜ୍ୟ ସରକାର ସବୁ ଚାଷୀଙ୍କ ତାଲିକା କେନ୍ଦ୍ରକୁ ଦେଇନାହାନ୍ତି

ସମସ୍ତ କ୍ଷୁଦ୍ର, ନାମମାତ୍ର ଓ ବଡ଼ ଚାଷୀଙ୍କୁ ପିଏମ୍ କିଷାନ ସହାୟତା ଦେବାକୁ କେନ୍ଦ୍ର ସରକାର ଯୋଜନା କରିଛନ୍ତି କିନ୍ତୁ ଓଡ଼ିଶା ସରକାର ଦେଇଛନ୍ତି ମାତ୍ର ୩୦ ଲକ୍ଷ ୯୧ ହଜାର ୭୮୩ ଚାଷୀଙ୍କ ନାଁ ଯେଉଁଥିରେ ପ୍ରଥମ କିସ୍ତିରେ ୩୦ ଲକ୍ଷ ୨୬ ହଜାର ୨୪ ଜଣ ଓ ଦ୍ୱିତୀୟ କିସ୍ତିରେ ଟଙ୍କା ପାଇଛନ୍ତି ୯ ଲକ୍ଷ ୩୪ ହଜାର ୭୯୭ ଚାଷୀ ହେଲେ ରାଜ୍ୟ ସରକାର ଚାଷୀଙ୍କ ବିସ୍ତୃତ ତାଲିକା କେନ୍ଦ୍ରକୁ ଦେଉନଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି

ଗୋଟିଏ ପଟେ କାଳିଆ’ ଯୋଜନାରେ ୫୧ ଲକ୍ଷ ଚାଷୀ ସହାୟତା ପାଇଥିବା ବେଳେ ହୁରି ୨୪ ଲକ୍ଷଙ୍କୁ ସାମିଲ କରିବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି ହେଲେ କେନ୍ଦ୍ର ସରକାରଙ୍କୁ କିନ୍ତୁ ସଂପୂର୍ଣ୍ଣ ଚାଷୀଙ୍କ ତଥ୍ୟ ଦେବାକୁ ପଣାଇଛନ୍ତି ଟାଳଟୁଳ ନୀତି ତେଣୁ ସିଧାସଳଖ ପିଏମ କିଷା ଯୋଜନାରେ ଚାଷୀଙ୍କୁ ସାମିଲ କରିବାକୁ ବାଟ ବାହାର କରିଛନ୍ତି କେନ୍ଦ୍ର ସରକାର ରାଜ୍ୟମାନଙ୍କୁ ବାଏପାସ୍ କରିବା ସହ ଚାପ ପକାଇବାକୁ ଏଭଳି ବ୍ୟବସ୍ଥା ହୋଇଥିବା କୁହଯାଉଛି ଏଥିପାଇଁ ପିଏମ୍ କିଷାନ’ ୱେବସାଟ୍‌ରେ ଚାଷୀଙ୍କୁ ନିଜ ସଂପର୍କିତ ତଥ୍ୟ ଅପ୍‌ଲୋଡ୍‌ କରିବେ ସେସବୁ ତଥ୍ୟ ଯାଞ୍ଚ ପରେ କେନ୍ଦ୍ରରୁ ସହାୟତା ପାଇବେ ଏହାଦ୍ୱାରା ଚାଷୀଙ୍କୁ ନେଇ ରାଜ୍ୟ ସରକାର ଖେଳୁଥିବା ଖେଳର ପର୍ଦ୍ଦାଫାସ୍‌ ହେବ ବୋଲି ବିରୋଧୀ କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।