ଜାଲରେ ପଡ଼ିଲା ୫ ଲକ୍ଷ ଟଙ୍କିଆ ମାଛ, ମତ୍ସ୍ୟଜୀବୀ ମାଲାମାଲ୍‌

ଜଳେଶ୍ୱର (ଅଜିତ କୁମାର ଦାସ): ମାଲାମାଲ୍‌ ହେଲେ ମତ୍ସ୍ୟଜୀବୀ। ଜାଲରେ ପଡ଼ିଲା ୫ ଲକ୍ଷ ଟଙ୍କିଆ ମାଛ। ଯେଉଁମାଛକୁ କିଣିଛି କୋଲକାତାର ଏକ ଫାର୍ମା କମ୍ପାନୀ। ମାଛର ଓଜନ ୩୫ କିଲୋଗ୍ରାମ ବୋଲି ଜଣାପଡ଼ିଛି। ପଶ୍ଚିମବଙ୍ଗ ଦୀଘା ମୁହାଣରୁ ଏହି ମାଛଟି ଧରାପଡ଼ିଛି।

ଦୁଇ ଦିନ ତଳେ ପଶ୍ଚିମବଙ୍ଗ ଅଞ୍ଚଳର କିଛି ମତ୍ସ୍ୟଜୀବୀ ମାଛ ଧରିବାକୁ ଗଭୀର ସମୁଦ୍ରକୁ ଯାଇଥିଲେ। ଦୀଘା ମୁହାଣଠାରୁ ଅଳ୍ପ ଦୂରରେ ମାଛ ଧରୁଥିବା ବେଳେ ଜାଲରେ ଗୋଟିଏ ବିରାଟକାୟ ମାଛ ପଡ଼ିଥିଲା। ମାଛର ଓଜନ ୩୫ କିଲୋଗ୍ରାମ ହେବ। ମାଛକୁ ଧରି ଆଜି ସକାଳେ ମତ୍ସ୍ୟଜୀବୀମାନେ କୂଳକୁ ଆସିଥିଲେ। ଏହି ମାଛଟିକୁ କୋଲକାତାର ଏକ ଫାର୍ମା କମ୍ପାନୀ କିଣିଛି। ମାଛର ଆନୁମାନିକ ମୂଲ୍ୟ ୫ ଲକ୍ଷ ଟଙ୍କରୁ ଊର୍ଦ୍ଧ୍ୱ ହେବ। ଏହି ମାଛର ନାଁ ତେଲିଆ ଭୋଳା ମାଛ।

Balasore
ଜାଲରେ ପଡ଼ିଥିବା ୩୬ କିଲୋଗ୍ରାମ ଓଜନର ମାଛ

ତେଲିଆ ଭୋଳା ମାଛ ଚାହିଁଦା ବିଦେଶରେ ରହିଛି। ଏହି ମାଛରୁ ମେଡ଼ିସିନ୍‌ ତିଆରି ହେଉଥିବା ଜଣାପଡ଼ିଛି। ଯେଉଁଥିପାଇଁ ନାମୀଦାମୀ ଫାର୍ମା କମ୍ପାନୀ ଅଧିକ ଟଙ୍କା ଦେଇ ଏହି ମାଛକୁ କିଣୁଛନ୍ତି। ସାଧାରଣତଃ ସବୁବେଳେ ଏହି ମାଛ ଜାଲରେ ପଡ଼େନାହିଁ। କେତେବେଳେ କେମିତି ଜାଲରେ ପଡ଼ିଥାଏ। ଆଉ ମତ୍ସଜୀବୀଙ୍କୁ ମାଲାମାଲ୍‌ କରିଥାଏ। ମତ୍ସ୍ୟଜୀବୀଙ୍କ କହିବା ଅନୁସାରେ ଏହି ଗଭୀର ସମୁଦ୍ରରେ ମିଳିଥାଆନ୍ତି। ଏମାନେ କେବେହେଲେ କୂଅକୁ ଆସିନଥାଆନ୍ତି। କେବେ କେମିତି ଲହଡି ସହିତ ପଳାଇ ଆସନ୍ତି। ଆଉ ସେହି ସମୟରେ ଜାଲରେ ପଡ଼ି ଯାଆନ୍ତି ବୋଲି ମତ୍ସ୍ୟଜୀବୀମାନେ କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।