କୁକୁର ହତ୍ୟା ଅଭିଯୋଗରେ ୩ ଗିରଫ

ପାରଳାଖେମୁଣ୍ଡି(ଆଦର୍ଶ ଦାସ): ବୁଲା କୁକୁରକୁ ମାରି ୩ ଜଣ ଗିରଫ ହୋଇଛନ୍ତି। କଥାଟି ଆଶ୍ଚର୍ଯ୍ୟ ହେଲେ ମଧ୍ୟ ସମ୍ପୂର୍ଣ୍ଣ ସତ କଥା। ଏପରି ଘଟଣା ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡିରେ ଘଟିଛି।
https://www.facebook.com/watch/?v=1010237666094151&extid=RM42RGKcaqN8bUOf
ଗତ ଦୁଇ ଦିନ ତଳେ ପାରଳାଖେମୁଣ୍ଡି ବାଟଗୌଡ ସାହିରେ ଏକ ବୁଲା କୁକୁରକୁ ୩ ଜଣ ଯୁବକ ନିର୍ଦ୍ଦୟ ଭାବେ ମାରିଦେଇଥିଲେ। ଯାହାର ଭିଡିଓ ଭାଇରାଲ୍ ହୋଇଥିଲା। ଏପରି ଘଟଣାକୁ ଭୁବନେଶ୍ୱର ପିପଲ ଫର ଆନିମାଲ୍ସ ସଂଗଠନ ଓ ସ୍ଥାନୀୟ ବିଜେପି ବିଧାୟକ କେ. ନାରାୟଣ ରାଓ ପ୍ରମୁଖ ନିନ୍ଦା କରିଥିଲେ। ଏପରିକି କୁକୁରକୁ ମାରିଥିବା ଯୁବକଙ୍କୁ ଗିରଫ କରିବାକୁ ଦାବି କରିଥିଲେ।

ଆଜି ଘଟଣାର ଅନୁସନ୍ଧାନ କରି ପାରଳାଖେମୁଣ୍ଡି ପୁଲିସ ନିଜ ଆଡୁ ମାମଲା ରୁଜୁ କରିବା ସହ ୩ଜଣଙ୍କୁ ଗିରଫ କରି 41 CRPC ଧାରା ରେ ନୋଟିସ ଦେଇଥିବା କହିଛନ୍ତି ପାରଳାଖମୁଣ୍ଡି ଥାନା ଅଧିକାରୀ।

ଆହୁରି ପଢ଼ନ୍ତୁ