OR 
ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ ତୁଳସୀପୁରରେ ଘଟିଛି ଏକ ଅଭାବନୀୟ ଘଟଣା। ବାତ୍ୟା ଆଶ୍ରୟସ୍ଥଳୀର ଲୁହା ଗେଟ୍ ଭାଙ୍ଗି ପଡ଼ିଯିବାରୁ ଜଣେ ୧୦ ବର୍ଷର ବାଳକଙ୍କ ମୃତ୍ୟ ଘଟିଛି। ମୃତ ବାଳକଙ୍କ ନାଁ ପବିତ୍ର ପାହାନ। ତାଙ୍କ ଘର ସେହି ତୁଳସୀପୁର ଗାଁରେ। ତାଙ୍କ ବାପାଙ୍କ ନାଁ କରୁଣା ପାହାନ।
ତୁଳସୀପୁର ଗାଁର ବାତ୍ୟା ଆଶ୍ରୟସ୍ଥଳୀର ମେନ୍ ଗେଟ ନିକଟରେ ଗତକାଲି ସନ୍ଧ୍ୟାରେ ପବିତ୍ର ଓ ଆଉ କିଛି ପିଲା ଖେଳୁଥିଲେ। ଏହି ସମୟରେ ବେଳେ ଅର୍ଧ ଭଗ୍ନ ଅବସ୍ଥାରେ ଥିବା ଗେଟ୍ଟି ହଠାତ୍ ପବିତ୍ରଙ୍କ ଉପରେ ପଡ଼ିଯାଇଥିଲା। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା।
Also Read
ତୁଳସୀପୁର ବାତ୍ୟା ଆଶ୍ରୟସ୍ଥଳୀରେ ନିମ୍ନମାନର କାମ ହୋଇଥିବା ପୂର୍ବରୁ ଅଭିଯୋଗ ହୋଇଥିଲା। ବାରମ୍ବାର ଅଭିଯୋଗ ସତ୍ତ୍ୱେ ବ୍ଲକ କର୍ତ୍ତୃପକ୍ଷ କୌଣସି ପଦକ୍ଷେପ ନ ନେବାରୁ ପବିତ୍ରଙ୍କ ଜୀବନ ଚାଲିଯାଇଛି ବୋଲି ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି।
ପବିତ୍ରଙ୍କ ମରଶରୀରକୁ ଖଲ୍ଲିକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ରଖି ପରିବାର ଲୋକେ କ୍ଷତି ପୂରଣ ଦାବି କରିଥିଲେ। ଅନ୍ୟପକ୍ଷରେ ପୁଲିସ ନିଜ ଆଡୁ ମାମଲା ରୁଜୁ କରି ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
