OR 
ଗଞ୍ଜେଇ ଚଢ଼ଉ ବେଳେ ସରକାରୀ ବସରୁ ମିଳିଲା ନଗଦ ୧୮ ଲକ୍ଷ ଟଙ୍କା। ଏହି ମାମଲାରେ ଜଣକୁ ପୁଲିସ୍ ଅଟକ ରଖିଛି। ଅଟକ ବ୍ୟକ୍ତିଙ୍କ ନାଁ ହେଉଛି ସଞ୍ଜୟ ସାହୁ। ତାଙ୍କ ଘର ଯାଜପୁର ଜିଲ୍ଲା କୁଆଖିଆ ମଧୁବନ ଅଞ୍ଚଳର ବୋଲି ଜଣାପଡ଼ିଛି।
Also Read
ଗଞ୍ଜେଇ ଚୋରା ଚାଲାଣ ନେଇ ଅଭିଯୋଗ ହେବା ପରେ ଆଜି ଅବକାରୀ ବିଭାଗ ବ୍ରହ୍ମପୁର ଲାଞ୍ଜିପଲି ବାଇପାସ୍ରେ ଗାଡ଼ି ଯାଞ୍ଚ କରୁଥିଲା। ଏହି ସମୟରେ ସରକାରୀ ବସ୍ ଡିକିରୁ ଗଞ୍ଜେଇ ପ୍ୟାକେଟ୍ ଭଳି ଦେଖାଯାଉଥିବା ଗୋଟିଏ ପାର୍ସଲ ମିଳିଥିଲା। ଏହାକୁ ଯାଞ୍ଚ କରିବାରୁ ସେଥିରୁ ନଗଦ ୧୮ ଲକ୍ଷ ଟଙ୍କା ମିଳିଥିଲା। ଏହି ଟଙ୍କା ନେଇ ଯାଉଥିବା ବ୍ୟକ୍ତି ଜଣକ ହେଉଛନ୍ତି ସଞ୍ଜୟ ସାହୁ। ପଚରାଉଚରା ବେଳେ ସେ କହିଛନ୍ତି, ଚିନାବାଦାମ ବିକ୍ରି ବାବଦକୁ କଲେକସନ୍ ହୋଇଥିବା ଟଙ୍କା ଧରି ଆସୁଥିଲି। ତେବେ ସଞ୍ଜୟଙ୍କ କଥାରେ ତାଳମେଳ ରହୁନଥିବାରୁ ଅବକାରୀ ବିଭାଗ ତାଙ୍କୁ ଥାନାରେ ଅଟକ ରଖିଛି।
ସଞ୍ଜୟ ସାହୁ କହିଛନ୍ତି, ବୁଧବାର ରାତିରେ ବ୍ରହ୍ମପୁର ଯାଇଥିଲି। ଆଜି ତିନିଟି ସ୍ଥାନରୁ କଲେକ୍ସନ୍ କରିଥିଲି। ସେହି ଟଙ୍କା ଧରି ବସରେ ମଧୁବନ ଫେରୁଥିବା ବେଳେ ମୋତେ ଅଟକାଇଛନ୍ତି ବୋଲି ସେ କହିଛନ୍ତି।
ରିପୋର୍ଟ- ବ୍ରହ୍ମପୁରରୁ ଜଗନ୍ନାଥ ସାହୁ
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
