OR 
ଯାତ୍ରା ପେଣ୍ଡାଲ ଉପରେ ଉଡ଼ିଲା କାଠ ଫାଳିଆ। ଯାହା ହାତରେ ଯାହା ପଡ଼ିଲା ଅପଗୋଷ୍ଠୀର ଦୁଇ ତିନି ଜଣଙ୍କ ଉପରେ ନିର୍ଘାତ ପିଟି ଚାଲିଥିଲେ। ପାଖାପାଖି ୫୦ରୁ ଅଧିକ ଲୋକ କାଠ ଫାଳିଆରେ ଆକ୍ରମଣ କରିବାରୁ ଜଣେ ଗୁରୁତର ହୋଇଛି। ଦଣ୍ଡଯାତ୍ରା ମଂଚରେ ଅଶ୍ଳୀଳ ନୃତ୍ୟକୁ ନେଇ ଏହି ତୁମୁଳ କାଣ୍ଡ ହୋଇଛି। ଗଞ୍ଜାମ ଭଞ୍ଜନଗରର ମହୁଲିଆ ଗାଁରେ ଗତକାଲି ରାତିରେ ଦଣ୍ଡନାଚ ଚାଲିଥିବା ବେଳେ ଏହି ସଂଘର୍ଷ ହୋଇଛି। ରେକଡ ଡାନ୍ସରେ କମେଣ୍ଟ ମରାକୁ କେନ୍ଦ୍ର କରି ଦୁଇ ଗୋଷ୍ଠୀ ମୁହାମୁହିଁ ହୋଇଥିଲେ।
କିଛି ଯୁବକ କଳାକାରମାନଙ୍କୁ ଅଶ୍ଳିଳ ଭାଷାରେ କମେଣ୍ଟ କରିଥିଲେ। ଏହା ଉପରେ ଆପତ୍ତି ଉଠାଇଥିଲେ ଆୟୋଜକ। ପରେ ସେହି ଯୁବକ ଏବଂ ଆୟୋଜକଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଯାହା ଦେଖୁ ଦେଖୁ ଉଗ୍ର ରୂପ ନେଇଥିଲା। ହଠାତ୍ କିଛି ଯୁବକ ହାତରେ ଠେଙ୍ଗା ବାଡ଼ି ଧରି ଆୟୋଜକ ଓ କଳାକାର ଟିମ ଉପରେ ଆକ୍ରମଣ କରିଥିଲେ। ସେମାନଙ୍କ ଆକ୍ରମଣରୁ ସ୍ଥାନୀୟ ଦର୍ଶକ ବି ଏଥିରୁ ବାଦ୍ ପଡିନଥିଲେ।
Also Read
ସଂଘର୍ଷରେ ଜଣେ ଯୁବକ ଗୁରୁତର ଆହତ ହୋଇଥିବା ବେଳେ ବେଲଗୁଣ୍ଠା ପୁଲିସ୍ ସଂପୃକ୍ତ ଯୁବକଙ୍କୁ ଉଦ୍ଧାର କରିବା ସହ ଦଣ୍ଡନାଚକୁ ବନ୍ଦ କରିଥିଲା। ଗୁରୁତର ଯୁବକ ଜଣକ ଗୋଲାପଡ଼ା ଗ୍ରାମର ଦିଲ୍ଲୀପ ପଣ୍ଡାଙ୍କ ପୁଅ ପିକୁନୁ ପଣ୍ଡା। ତାଙ୍କୁ ବ୍ରହ୍ମପୁର ଏମ୍କେସିଜିରେ ଭର୍ତ୍ତି କରାଯାଇଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
