ବ୍ରହ୍ମପୁର(ଓଡ଼ିଶା ରିପୋର୍ଟର): କଥାରେ ଅଛି, ବାପ ଥିବା ପୁଅ ସଭାରେ ହାରେନି। ହେଲେ, ପୁଅକୁ ହରାଇବା ପାଇଁ ନିର୍ବାଚନ ମଇଦାନକୁ ଓହ୍ଲାଇଛି ବାପା। ନିର୍ବାଚନ ରଣାଙ୍ଗନରେ ମୁହାଁମୁହିଁ ହୋଇଛନ୍ତି ବାପ-ପୁଅ । ଉଭୟଙ୍କ ମଧ୍ୟରେ କଡ଼ା ଟକ୍କର। ଜଣେ ବିଜେପିରୁ ଲଢୁଛନ୍ତି ତ ଆଉ ଜଣେ ବିଜେଡିରୁ । ଏଭଳି ନିଆରା ଚିତ୍ର ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ପୋଲସରା ଏନ୍ଏସିରେ ।
ଏନ୍ଏସି ନିର୍ବାଚନ ପାଇଁ ନାମାଙ୍କନ ଦାଖଲ ଶେଷ ହୋଇଥିବା ବେଳେ ଦୁଇ ନମ୍ବର ଓ୍ୱାର୍ଡ଼ରୁ କାଉନସିଲର୍ ପଦବୀ ପାଇଁ ବାପପୁଅ ମଧ୍ୟରେ ମୁହାଁମୁହିଁ ଲଢ଼େଇ ହେବାକୁ ଯାଉଛି । ପୋଲସରା ଏନ୍ଏସିର ପ୍ରଥମ ମହିଳା ଅଧ୍ୟକ୍ଷା ସୌଦାମିନୀ ସାହୁଙ୍କ ସ୍ୱାମୀ ଦୁର୍ଯୋଧନ ସାହୁ ୨ ନମ୍ବର ଓ୍ୱାର୍ଡ଼ରୁ କାଉନସିଲ୍ ପଦବି ପାଇଁ ବିଜେପିରୁ ନାମାଙ୍କନ ଦାଖଲ କରିଥିବା ବେଳେ ପୁଅ ଅନୀଲ କୁମାର ସାହୁ ବିଜେଡିରୁ ନାମାଙ୍କନ ଦାଖଲ କରିଛନ୍ତି ।
[caption id="attachment_719007" align="aligncenter" width="650"]
ପରିବାର ସହ ଦୁର୍ଯୋଧନ ।[/caption]
ଏନେଇ ଅନୀଲ କହିଛନ୍ତି, ବାପା ଜାଣିକି ମୋ ବିରୋଧରେ ବିଜେପିରୁ ପ୍ରାର୍ଥୀପତ୍ର ଫାଇଲ କରିଛନ୍ତି। ସେ ଗାଁ ପାଇଁ ବହୁତ କିଛି କରିଛନ୍ତି। ତାଙ୍କର ବହୁତ ଅବଦାନ ଅଛି। ମୋର ଆଶା ଅଛି ମୁଁ ବହୁତ କିଛି କରିବି ।
ଏହା ଶାନ୍ତିପୂର୍ଣ୍ଣ ନିର୍ବାଚନ ହେବ ବୋଲି ଆଶା କରିଛି। ନିର୍ବାଚନ ମଇଦାନରେ କିଏ ଜିତିବ, ହାରିବ ତାହା ଫରକ ପଡ଼ିବନି। ଆମେ ବାପପୁଅ ହୋଇ ଜୀବନ ସାରା ରହିବୁ ବୋଲି କହିଛନ୍ତି ଦୁର୍ଯୋଧନ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
