ଘଟ ପରିବର୍ତ୍ତନରେ ବିଭ୍ରାଟ: ୯ ଜଣଙ୍କୁ ନୋଟିସ୍ ଜାରି

ପୁରୀ: ଚତୁର୍ଦ୍ଧାମୂର୍ତ୍ତିଙ୍କ ଘଟ ପରିବର୍ତ୍ତନ ନୀତି ବିଭ୍ରାଟ ପ୍ରସଙ୍ଗରେ କାରଣ ଦର୍ଶାଅ ନୋଟିସ ଜାରି କରିଛି ଶ୍ରୀମନ୍ଦିର ପ୍ରଶାସନ। ମୋଟ ୯ ଜଣଙ୍କୁ ଏହି ନୋଟିସ୍ ଦିଆଯାଇଛି । ଏମାନଙ୍କ ମଧ୍ୟରେ ଅଛନ୍ତି ୪ ବାଡଗ୍ରାହୀ, ୩ ବିଶ୍ୱକର୍ମା, ଦେଉଳ କରଣ ଓ ତଢଉ କରଣ । ପୂର୍ବରୁ ଦଇତାପତି ନିଯୋଗ ସଭାପତି ଓ ସଂପାଦକଙ୍କୁ ନୋଟିସ ଜାରି କରାଯାଇଥିଲା । ଘଟ ପରିବର୍ତ୍ତନ ନୀତି କାହିଁକି ବିଳମ୍ୱ ହେଲା, ଘଟ ପରିବର୍ତ୍ତନ ସମୟରେ ସେଠାରେ କ’ଣ ଘଟିଥିଲା, କେଉଁମାନେ ବିଶୃଙ୍ଖଳା କରିଥିଲେ ଓ କେଉଁମାନେ ବିଶୃଙ୍ଖଳା ଲାଗି ଉସକାଇ ଥିଲେ। ବ୍ୟକ୍ତିଗତ ଭାବେ ଉପସ୍ଥିତି ବୟାନ ରେକର୍ଡ କରାଇବା ଲାଗି ସମସ୍ତଙ୍କୁ କୁହାଯାଇଛି ବୋଲି ଶ୍ରୀମନ୍ଦିର ପ୍ରଶାସକ ସୁରେଶ ମହାପାତ୍ର କହିଛନ୍ତି। ଦୋଷୀ ବ୍ୟକ୍ତିଙ୍କୁ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି।