ଆହାର କେନ୍ଦ୍ରରେ ପାହାର ଖାଇ!
ଆହାର କେନ୍ଦ୍ରରେ ପାହାର! ଆହାର କେନ୍ଦ୍ରକୁ ଖାଇବାକୁ ଆସି ମାଡ଼ ଖାଇଲେ ଯୁବତୀ। ନିମ୍ନମାନର ଖାଦ୍ୟକୁ ନେଇ ପ୍ରତିବାଦ କରିବାରୁ ଯୁବତୀଙ୍କୁ ମାଡ଼ ମରାଯାଇଥିବା ଅଭିଯୋଗ ହୋଇଛି। ବରଗଡ଼ ଜିଲ୍ଲା ୧୯ ନମ୍ବର ୱାର୍ଡରେ ଏଭଳି ଘଟଣା ସାମ୍ନାକୁ ଆସିଛି। ଖବର ମୁତାବକ ସୁଶ୍ରୀ ସଙ୍ଗୀତା ମହାରଣା ନାମକ ଜଣେ ଯୁବତୀ ଆହାର କେନ୍ଦ୍ରକୁ ଖାଇବାକୁ ଆସିଥିଲେ। ମାତ୍ର ସେଠାରେ ନିମ୍ନମାନର ଖାଦ୍ୟ ଦିଆଯାଉଥିବା ଦେଖି ସେ ଏହାର ପ୍ରତିବାଦ କରିବା ସହ ମୋବାଇଲ୍ରେ ଭିଡିଓ କରିଥିଲେ। ମାତ୍ର ଏହି ସମୟରେ ଦାୟିତ୍ୱରେ ଥିବା ଏସ୍ଏଚ୍ଜି ଗ୍ରୁପ୍ର ମହିଳାମାନେ ତାଙ୍କ ମୋବାଇଲ୍ ଛଡ଼ାଇବା ସହ ତାଙ୍କୁ ମାର୍ପିଟ୍ କରିଥିବା ସୁଶ୍ରୀ ଅଭିଯୋଗ କରିଛନ୍ତି।
