ଖୁଦୁରୁକୁଣୀ ଓଷା ପାଇଁ ଗାଧୋଇବାକୁ ଯାଇ ଭାସିଗଲେ

ନୟାଗଡ଼ (ଓଡ଼ିଶା ରିପୋର୍ଟର): ଖୁଦୁରୁକୁଣୀ ଓଷା ପାଇଁ ଗାଧୋଇବାକୁ ଯାଇ ବନ୍ୟା ଜଳରେ ୪ ନାବାଳିକା ଭାସିଯାଇଥିବାର ଖବର ମିଳିଛି। ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଛି। ଅନ୍ୟ ପକ୍ଷରେ ୩ ଜଣଙ୍କୁ ଉଦ୍ଧାର କରାଯାଇପାରିଛି।

ନୟାଗଡ଼ ଜିଲ୍ଲା ଦଶପଲ୍ଲା ଅଞ୍ଚଳର ବୁରୁ ସାହି ଗାଁ ନିକଟରେ ବୃତଙ୍ଗ ନଦୀରେ ଘଟିଛି ଏଭଳି ଘଟଣା। ଏହି ନଦୀରେ ଗାଧୋଇବାକୁ ଯାଇ ଭାସି ଯାଇଥିଲେ ୪ ଜଣ ନାବାଳିକା। ତେବେ ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନାବାଳିକାଙ୍କୁ ଉଦ୍ଧାର କରିଛି। ତେବେ ଶ୍ରଦ୍ଧାଞ୍ଜଳି ମାଝୀ ନାମରେ ଜଣେ ୧୩ ବର୍ଷ ବୟସ୍କ ନାବାଳିକାଙ୍କର ଏଥିରେ ମୃତ୍ୟୁ ହୋଇଛି।

ନଦୀରେ ବନ୍ୟା ଜଳ ପ୍ରବାହିତ ହେଉଥିବାରୁ ନଦୀକୁ ନ ଯିବାକୁ ଜିଲ୍ଲା ପ୍ରଶାସନ ପକ୍ଷରୁ ସତର୍କ କରାଯାଇଥିଲା । ଏହା ସତ୍ତ୍ୱେ ନାବାଳିକାମାନେ ନଦୀକୁ କିପରି ଗଲେ ଏବଂ ନଦୀରେ ଗାଧୋଇବାକୁ କେହି ଆକଟ କରିଥିଲେ କି ନା ସେନେଇ ସୂଚନା ମିଳିପାରିନାହିଁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।