banya
ନୟାଗଡ଼ (ଓଡ଼ିଶା ରିପୋର୍ଟର): ଖୁଦୁରୁକୁଣୀ ଓଷା ପାଇଁ ଗାଧୋଇବାକୁ ଯାଇ ବନ୍ୟା ଜଳରେ ୪ ନାବାଳିକା ଭାସିଯାଇଥିବାର ଖବର ମିଳିଛି। ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଛି। ଅନ୍ୟ ପକ୍ଷରେ ୩ ଜଣଙ୍କୁ ଉଦ୍ଧାର କରାଯାଇପାରିଛି।
ନୟାଗଡ଼ ଜିଲ୍ଲା ଦଶପଲ୍ଲା ଅଞ୍ଚଳର ବୁରୁ ସାହି ଗାଁ ନିକଟରେ ବୃତଙ୍ଗ ନଦୀରେ ଘଟିଛି ଏଭଳି ଘଟଣା। ଏହି ନଦୀରେ ଗାଧୋଇବାକୁ ଯାଇ ଭାସି ଯାଇଥିଲେ ୪ ଜଣ ନାବାଳିକା। ତେବେ ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନାବାଳିକାଙ୍କୁ ଉଦ୍ଧାର କରିଛି। ତେବେ ଶ୍ରଦ୍ଧାଞ୍ଜଳି ମାଝୀ ନାମରେ ଜଣେ ୧୩ ବର୍ଷ ବୟସ୍କ ନାବାଳିକାଙ୍କର ଏଥିରେ ମୃତ୍ୟୁ ହୋଇଛି।
ନଦୀରେ ବନ୍ୟା ଜଳ ପ୍ରବାହିତ ହେଉଥିବାରୁ ନଦୀକୁ ନ ଯିବାକୁ ଜିଲ୍ଲା ପ୍ରଶାସନ ପକ୍ଷରୁ ସତର୍କ କରାଯାଇଥିଲା । ଏହା ସତ୍ତ୍ୱେ ନାବାଳିକାମାନେ ନଦୀକୁ କିପରି ଗଲେ ଏବଂ ନଦୀରେ ଗାଧୋଇବାକୁ କେହି ଆକଟ କରିଥିଲେ କି ନା ସେନେଇ ସୂଚନା ମିଳିପାରିନାହିଁ।
/odisha-reporter/media/agency_attachments/2025/09/10/2025-09-10t082211800z-640x480-or-sukant-rout-2025-09-10-13-52-11.png)
Follow Us/odisha-reporter/media/post_attachments/uploads/2020/08/banya-1.jpg)